စည်းကမ်းသတ်မှတ်ချက်များ

Yoma Car Share အဖွဲ့ဝင်

လူကြီးမင်းသည် Yoma Car Share ၏ အဖွဲ့ဝင်တစ်ဦးအနေနှင့် Yoma Car Share ရှိ ကားများကို ပိတ်ရက်မရှိ ငှားရမ်းအသုံးပြုနိုင်သည်။ ကားများကို Yoma Car Share rental hub များမှတဆင့်ရယူကာ အနည်းဆုံး (59)မိနစ် မှ အများဆုံး ရက်(၃၀) အထိ ငှားရမ်းနိုင်ခွင့်ရှိသည်။ လူကြီးမင်းအနေဖြင့် စည်းမျဥ်းစည်းကမ်းများကို လိုက်နာမည်ဟု သဘောတူညီထားပြီး အခြားအဖွဲ့ဝင်များအားလည်း လေးစားစွာဖြင့် ဆက်ဆံမည်ဟုသဘောတူသည်။ ဤသဘောတူစာချုပ်တွင်ပါဝင်သော အောက်ဖေါ်ပြပါ စည်းမျဥ်းစည်းကမ်းများသည် အဖွဲ့ဝင်များအားလုံးလိုက်နာရမည်ဖြစ်ပြီး လူကြီးမင်းကားငှားရမ်းအသုံးပြုသည့်အခါတွင်လည်း လိုက်နာဆောင်ရွက်ရမည်ဖြစ်သည်။ ဤကဲ့သို့ စည်းမျဥ်းစည်းကမ်းများကို သဘောတူခြင်းအားဖြင့် လူကြီးမင်းသည် ဤစည်းမျဥ်းစည်းကမ်းများကို လိုက်နာရမည်ဖြစ်ပြီး အကယ်၍ စည်းမျဥ်းစည်းကမ်းများ ပြောင်းလဲမှုရှိပါက Yoma Car Share ၏ ဝက်ဘ်ဆိုဒ် www.yomacarshare.com တွင် တင်ပြသွားမည်ဖြစ်သည်။ Yoma Car Share ၏ အသေးစိတ်အချက်အလက်များကို ဝက်ဘ်ဆိုဒ်သို့မဟုတ် မိုဘိုင်းအက်ပလီကေးရှင်းပေါ်ရှိ မေးလေ့မေးထရှိသော မေးခွန်းများတွင် ဖတ်ရှုနားလည်ရန်လည်း တိုက်တွန်းအပ်ပါသည်။

အကြောင်းအရာ

၁။ အဓိပ္ပါယ်ဖွင့်ဆိုချက်များ

မတော်တဆဖြစ်ပွားမှု
မတော်တဆထိခိုက်မှုဆိုသည်မှာ ကြိုတင်မသိရှိနိုင်သော သို့မဟုတ် မမျှော်လင့်ထားသော အဖြစ်အပျက်များ၊ မရည်ရွယ်သည့်၊ ကြိုတင်မခန့်မှန်းနိုင်သည့်၊ ထိခိုက်မှု ဖြစ်ရပ်များကို ဆိုလိုသည်။
အကောင့်ပိုင်ရှင်
ဆိုလိုသည်မှာ ကျွန်ုပ်တို့၏ စည်းမျဉ်းစည်းကမ်းများအရ အကောင့်ဖွင့်သူ၊ ၎င်းနှင့်ဆက်စပ်သော ယာဉ်မောင်းအားလုံး၏ အခကြေးငွေ၊ စရိတ်၊ ဒဏ်ငွေနှင့် ကုန်ကျစရိတ်များအားလုံးအတွက် အပြည့်အဝတာဝန်ယူသော လူပုဂ္ဂိုလ် သို့မဟုတ် အဖွဲ့အစည်းကို ဆိုလိုသည်။ တစ်ဦးတစ်ယောက်ချင်းဆိုသည်မှာ အကောင့်ပိုင်ရှင်နှင့် ယာဉ်မောင်း နှစ်ဦးစလုံးဖြစ်နိုင်သည်။ (အငှားစာချုပ်နှင့် စည်းမျဥ်းစည်းကမ်းများတွင် အကောင့်ပိုင်ရှင်နှင့် ယာဥ်မောင်းဟု အခေါ်အဝေါ်နှစ်မျိုးစလုံး အသုံးပြုမည်ဖြစ်ပြီး နှစ်ဦးနှစ်ယောက်စလုံး၏ အဓိပ္ပာယ်နှင့် တာဝန်ယူရမှုမှာ တူညီမည်ဖြစ်သည်။) အဖွဲ့အစည်းဆိုသည်မှာ ကျွန်ုပ်တို့၏ ဝန်ဆောင်မှုကို အသုံးပြုရန်ခွင့်ပြုထားသော ယာဉ်မောင်း၊ အသုံးပြုသူများနှင့် အကောင့်ပိုင်ဆိုင်သူ ဖြစ်သည်။
အကျုံးဝင်သော ငှားရမ်းကာလ
ဆိုသည်မှာ ငှားရမ်းကာလအတွင်း ယာဉ်မောင်းများက ယာဉ်အား ပထမဦးစွာ ထိတွေ့ အသုံးပြုခြင်းနှင့် နောက်ဆုံးအသုံးပြုခြင်းကြားကာလကို ဆိုလိုသည်။ ကြိုတင်ငှားရမ်းကာလဆိုသည်မှာ Yoma Car Share မှ ယာဉ်မောင်းသူက ကြိုတင်ငှားရမ်းထားသော အချိန်ကာလဖြစ်သည်။
ကား သို့မဟုတ် မော်တော်ယာဥ်
ကျွန်ုပ်တို့ပိုင် ကားများ (သို့မဟုတ်) မော်တော်ယာဥ်များအား ကျွန်ုပ်တို့မှ အတည်ပြုထားသော ယာဉ်မောင်းကို ငှားရမ်းကာလအတွင်း မောင်းနှင်ခွင့်ပေးထားခြင်းဖြစ်သည်။ ဤစည်းမျဥ်းစည်းကမ်းနှင့် အငှားစာချုပ်တွင် မော်တော်ယာဉ်၊ ယာဉ် နှင့်ကား ၏ အဓိပ္ပါယ်မှာတူညီပြီး လဲလှယ်အသုံးပြုမည်။
မြီရှင်ကတ် (Credit Card)
ဆိုသည်မှာ မာစတာကတ်၊ ဗီဇာ အကြွေးဝယ်ကတ် တို့ဖြစ်သည်။
ပျက်စီးဆုံးရှုံးခြင်း
ဆိုသည်မှာ ယာဉ်မတော်တဆမှု၊ မိုးသီးကြွေကျခြင်း၊ ခိုးယူခံရခြင်း၊ ယာဉ်တွင်ဖြစ်ပေါ်သည့်ပျက်စီးဆုံးရှုံးမှု အပါအဝင် ယာဉ်ဖြင့်ဆွဲယူရသည့် အခကြေးငွေ၊ အသုံးပြုမှုဆုံးရှုံးခြင်းအတွက် အခကြေးငွေနှင့် တန်ဖိုးဖြတ်ခအပါအဝင် စသည်တို့ပါဝင်ပါသည်။
မြီစားကတ် (Debit Card)
အမ်ပီယူ ကတ်၊ မာစတာကတ် နှင့် ဗီဇာ ဒက်ဘစ်ကတ် တို့ဖြစ်သည်။
ယာဉ်မောင်း
ယာဉ်မောင်းဆိုသည်မှာ အသက် ၂၁ နှစ်ပြည့်ပြီးသူဖြစ်ပြီး ယာဉ်‌မောင်းလိုင်စင်သက်တမ်းအနည်းဆုံး (၆)လ ကိုင်ဆောင်ထားပြီးသူဖြစ်ရမည်။ ကျွန်ုပ်တို့၏ စည်းမျဥ်းစည်းကမ်းချက်များကို သဘောတူပြီး ကျွန်ုပ်တို့၏ ကားများကိုမောင်းနှင်နိုင်သောသူအဖြစ် ကျွန်ုပ်တို့မှ ခွင့်ပြု၍ မှတ်တမ်းတင်ထားသူ ဖြစ်ရမည်။ Individual အကောင့်ဆိုသည်မှာ အကောင့်ပိုင်ရှင်နှင့် ယာဉ်မောင်း နှစ်ဦးလုံးဖြစ်နိုင်သည်။ အကယ်၍ အကောင့်ပိုင်ရှင်နှင့် ယာဉ်မောင်းသည် သီးခြားပုဂ္ဂိုလ်များဖြစ်ပါက အကောင့်ပိုင်ရှင်၏ အကောင့်နှင့်ချိတ်ဆက်ရန် အကောင့်ပိုင်ရှင်မှ ခွင့်ပြုထားသော ယာဉ်မောင်းဖြစ်ရမည်။ အကောင့်ပိုင်ရှင်နှင့် ၎င်း၏ယာဥ်မောင်းများအား အဖွဲ့ဝင်ဟုသတ်မှတ်မည်။
အပိုယာဉ်မောင်း
အပိုယာဉ်မောင်းဆိုသည်မှာ Yoma Car Share အဖွဲ့ဝင် (သို့မဟုတ်) အကောင့်ပိုင်ရှင်နှင့်အတူ လိုက်လံပြီး အတူတကွ ကားကို လိုက်လံမောင်းနှင်ပေးသောသူဖြစ်သည်။ အပိုယာဉ်မောင်းသည် Yoma Car Share စည်းမျဉ်းစည်းကမ်းများကို သိရှိနားလည်ပြီး လိုက်နာသူဖြစ်ရမည်။
တရားဝင်ကားရပ်နားရန်နေရာ
ပိတ်ရက်မရှိအများပြည်သူအသုံးပြုနိုင်သော ယာဉ်ရပ်နားရန်နေရာများကို ဆိုလိုသည်။ ယာဥ်ရပ်နားခွင့်မပြုသည့် နေရာများ၊ ဦးစားပေးယာဉ်ရပ်နားနေရာများ၊ မစောင့်ရ၊ မရပ်နားရ နေရာများ အစရှိသည်တို့ မပါဝင်ပါ။ ယာဉ်ရပ်နားခပေးဆောင်ရသည့် နေရာများတွင် ယာဥ်ရပ်နားခပေးဆောင်ပြီး ယာဥ်ရပ်နားခြင်းသည်တရားဝင်သည်။
မိုဘိုင်းပိုက်ဆံအိတ်
ဆိုသည်မှာ မိုဘိုင်းအက်ပလီကေးရှင်းမှတဆင့် ငွေကြေးကိစ္စများကို အသုံးပြုပြီး WavePay သို့မဟုတ် KBZPay ကဲ့သို့သော အစရှိသည့် ပလက်ဖောင်းများကိုဆိုလိုသည်။
လမ်းကြမ်း
ဆိုလိုသည်မှာ တရားဝင်လမ်းပြမြေပုံများပေါ်တွင် မပါဝင်သောလမ်းများ (သို့မဟုတ်) ကျောက်စရစ်မြေနီလမ်း သို့မဟုတ် ကတ္တရာ သို့မဟုတ် ရေနံကတ္တရာ သို့မဟုတ် ကွန်ကရစ်လမ်းမဟုတ်ဘဲ ပုံသဏ္ဍာန်မရှိသည့် လမ်း၊ အချောမသပ်ရသေးသောခင်းလက်စလမ်းများ၊ မီးရထားလမ်းများ၊ မီးခြားလမ်းများ၊ မြစ်ရေနှင့်ဒီရေကူးလမ်းဆုံများ၊ ချောင်းကူးလမ်းများ၊ ကမ်းခြေများ၊ စမ်းချောင်းများ၊ တာတမံများ၊ မြစ်များ၊ ရေကျော်လမ်းများ၊ သဲသောင်ပြင်၊ ကန္တာရကွင်းပြင်များ၊ ကျောက်ထူထပ်ရာနေရာများနှင့် ခြံဝင်းများလည်း ပါဝင်သည်။
ငှားရမ်းခ
ဆိုသည်မှာ ငှားရမ်းခနှင့်ဆက်စပ်ကျသင့်ငွေများ အပါအဝင် ကုန်သွယ်လုပ်ငန်းခွန်၊ အခြားအခွန်အခများ၊ ဥပဒေအရ စည်းကြပ်ကောက်ခံမှုများ၊ မြီရှင်ကတ် (Credit Card) ပြန်လည်ရရှိရေး ကုန်ကျစရိတ်များနှင့် ငှားရမ်းခြင်းစာချုပ်တွင် ဖော်ပြထားသည့် အခကြေးငွေများပါ ပါဝင်ပါသည်။
ငှားရမ်းခြင်းနေရာ
ဆိုသည်မှာ လူကြီးမင်းမှ မော်တော်ယာဉ်အား ငှားရမ်းရယူသည့် အချက်အချာတည်နေရာ၊ လုပ်ငန်းခွင် (သို့မဟုတ်) လုပ်ငန်းခွဲအားလုံးကို ဆိုလိုသည်။
ငှားရမ်းခြင်းသက်တမ်း
ဆိုသည်မှာ ငှားရမ်းခြင်းဆိုင်ရာ သဘောတူညီချက်တွင်ဖော်ပြထားသော အချိန်ကာလ (သို့မဟုတ်) သင်/ ကျွန်ုပ်တို့မှ သဘောတူညီပြီး ထပ်မံတိုးမြှင့်သည့် ငှားရမ်းခြင်းကာလကိုဆိုလိုသည်။
သတ်မှတ်ထားသည့်ကားရပ်နားရန်နေရာ
ဆိုသည်မှာ ကားမောင်းသူမှ အသုံးမပြုရသေးသော ရပ်ထားသည့်နေရာကို ဆိုလိုသည်။ ဤနေရာကို သတ်မှတ်ထားသော Yoma Car Share မှ ကားများသာအသုံးပြုနိုင်မည်ဖြစ်သည်။
ငှားရမ်းခြင်းအစ
ဆိုသည်မှာ ငှားရမ်းခြင်းသဘောတူညီချက်တွင် ဖော်ပြထားသည့် ငှားရမ်းခြင်းနေရာတွင် စတင်သည့် ငှားရမ်းခြင်းဆိုင်ရာ နေ့ ရက်နှင့် အချိန်ကို ဆိုလိုသည်။
ယာယီကဒ်
ငှားရမ်းကာလအတွင်း ကားအသုံးပြုသူမျာအား ကားကို အသုံးပြုနိုင်သည့် ကဒ်ဖြစ်သည်။
စည်းမျဉ်းစည်းကမ်းသတ်မှတ်ချက်များနှင့်အခြေအနေများ
ဤသဘောတူညီချက်စာချုပ်ပါ အကြောင်းအရာ စည်းမျဥ်းစည်းကမ်းသတ်မှတ်ချက်များနှင့် အခြေအနေများကို ဆိုလိုသည်။
တတိယ သို့မဟုတ် တခြားအဖွဲ့အစည်း သို့မဟုတ် ဘေးလူ ဆိုင်ရာဆုံးရှုံးမှု
ဆိုသည်မှာ အခြားမော်တော်ယာဉ်အပါအဝင် တခြားအဖွဲ့အစည်း၏ ပိုင်ဆိုင်မှုများ ပျက်စီးဆုံးရှုံးခြင်း (သို့မဟုတ်) နောက်ဆက်တွဲဆုံးရှံးမှုအတွက် တခြားအဖွဲ့အစည်းမှ တောင်းဆိုမှုများဖြစ်သည်။
ကားကိုယ်ထည်အောက်ပိုင်း ပျက်စီးမှု
ဆိုသည်မှာ မောင်းနှင်သည့် အစိတ်အပိုင်း၊ မော်တော်ယာဉ် အောက်ခံထည်၊ စတီယာရင်၊ မော်တော်ယာဉ်ကိုယ်ထည်နှင့် ဝင်ရိုးဆက်သွယ်ပေးသည့် ဆိုင်းထိန်းစနစ်၊ ဘရိတ်စနစ်၊ အိပ်ဇောပိုက်စနစ်၊ ကားကြမ်းခင်းနှင့် လောင်စာဆီစနစ်များ အပါအဝင် မော်တော်ယာဉ်အောက်ခြေပိုင်း ပျက်စီးမှုတစုံတရာ စသည်တို့ ပါဝင်ပါသည်။
မြေနီလမ်း
ဆိုသည်မှာ ကွန်ကရစ်၊ ကတ္တရာ၊ အစရှိသည့်မာကျောချောမွေ့သောမျက်နှာပြင်မရှိသည့်လမ်းဖြစ်သည်။
မော်တော်ယာဉ် သို့မဟုတ် ကား
ဆိုသည်မှာ ငှားရမ်းခြင်းဆိုင်ရာသဘောတူညီချက်တွင်ဖော်ပြထားသည့် မော်တော်ယာဉ်ဖြစ်ပြီး ၎င်း၏ အစိတ်အပိုင်းများ၊ ဆက်စပ်ပစ္စည်းများ၊ အသံဆိုင်ရာကိရိယာများ (သို့မဟုတ်) ငှားရမ်းခြင်းဆိုင်ရာသဘောတူညီချက်နှင့်အညီ ကျွန်ုပ်တို့ အစားထိုးပေးသော မော်တော်ယာဉ်။
ကျွန်ုပ်တို့ သို့မဟုတ် ကျွန်ုပ်တို့ကို သို့မဟုတ် ကျွန်ုပ်တို့၏
ဆိုသည်မှာ Yoma Fleet Limited အပါအဝင် Yoma Car Share ကိုဆိုလိုသည်။
Yoma Car Share/Yoma Fleet
ဆိုသည်မှာ မြန်မာကုမ္ပဏီမှတ်ပုံတင်နံပါတ် ၁၃၄၃၆၉၇၃၆ ဖြင့် စီးပွားရေး ဆောင်ရွက်နေသည့် Yoma Fleet Limited ဖြစ်ပြီး၊ ငှားရမ်းစာချုပ်၏ ပိုင်ရှင်ဖြစ်ပါသည်။
လူကြီးမင်း သို့မဟုတ် လူကြီးမင်း၏
ဆိုသည်မှာ ငှားရမ်းခြင်းစာချုပ်တွင်ဖော်ပြထားသည့် မော်တော်ယာဉ်အား (သို့မဟုတ်) ငှားရမ်းသည့် လူပုဂ္ဂိုလ်၊ အဖွဲ့အစည်း၊ ကုမ္ပဏီ သို့မဟုတ် အခွင့်ရယာဉ်မောင်းတို့ ဖြစ်သည်။
လူကြီးမင်း၏ Yoma Car Share Account
ဆိုသည်မှာ လူကြီးမင်းမှ Yoma Car Share ဝက်ဘ်ဆိုဒ် (သို့မဟုတ်) မိုဘိုင်းအက်ပလီကေရှင်းတွင် လိုအပ်သည့်အဆင့်အချက်အလက်များဖြည့်ပြီး အကောင့်ဖွင့်ခွင့်ရရှိထားသူ၊ ထိုခွင့်ပြုချက်ရရှိထားသည့် အကောင့်ပိုင်ရှင်သည် Yoma Car Share တွင် ကားငှားရမ်းမှုပြုလုပ်ခြင်း၊ Yoma Car Share မှ အကျိုးကျေးဇူးများခံစားခွင့်ရှိခြင်း နှင့် Yoma Fleet / Yoma Car Share တွင် အကောင့်ပိုင်ရှင်မှ ထည့်ထားသည့် Credit သို့မဟုတ် Debit Card များမှ ကျွန်ုပ်တို့ထံ ‌ပေးရန်ငွေကြေးအခများအား ရယူနိုင်ခွင့်ပေးထားသူနှင့် ဤစည်းမျဉ်းစည်းကမ်းများကို ကားငှားရန် reservation တင်တိုင်း နားလည်သဘောပေါက်ကာ သဘောတူညီသူ ဖြစ်သည်။

၂။ Yoma Car Share ဝက်ဘ်ဆိုဒ်နှင့် မိုဘိုင်းအက်ပလီကေးရှင်းများ

Yoma Car Share တွင် Website တစ်ခု နှင့် Mobile Application များဖြစ်သော Yoma Car Share နှင့် Yoma Car Share Driver ဟူ၍ နှစ်မျိုး ရှိသည်။ ကျွန်ုပ်တို့၏ Website နှင့် Mobile Application များသည် နိုင်ငံတကာ စံနှုန်းများအတိုင်း iOS App Store, Google Play Store နှင့် Huawei App Gallery တို့တွင် သတ်မှတ် စည်းမျဉ်း စည်းကမ်း များနှင့် အညီ အတည်ပြုထားပီး ဖြစ်သည်။ ကျွန်ုပ်တို့သည် ကိုယ်ရေးအချက်အလက် မူဝါဒ နှင့် နိုင်ငံတကာ စံနှုန်း အချက်အလက် မူဝါဒ များကို လိုက်နာပြီး ကြေငြာထားသည်လည်း ဖြစ်သည်။ လူကြီးမင်းသည် အဖွဲ့ဝင် အဖြစ် လျှောက်ထားခဲ့သော Account ဖြင့် သာ Yoma Car Share ၏ Website နှင့် Mobile Application တို့၏ လုပ်ဆောင်မှု နှင့် ဝန်ဆောင်မှုတို့ကို ရရှိနိုင်ပါသည်။ အဖွဲ့ဝင်အကောင့်များ အားလုံးသည် ထို အဖွဲ့၀င်တ‌စ်ယောက်ချင်းစီ၏ လျှို့ဝှက်နံပါတ် နှင့် လုံခြုံမှုအမြင့်ဆုံး နည်းပညာ များဖြင့် ကာကွယ်ထားပါသည်။

၃။ Yoma Car Share ၌ ပိုင်ရှင်အကောင့်ဖွင့်ရန် လျှောက်ထားခြင်း

  1. လူတစ်ဦး (သို့) အဖွဲ့အစည်းတစ်ခုသည် အဖွဲ့ဝင်ဖြစ်ရန်လျှောက်လွှာကိုအွန်လိုင်း (သို့) စာရွက်တင်ခြင်းဖြင့် Yoma Car Share Account Holder အဖြစ် လျှောက်ထားနိုင်သည်။
  2. Yoma Car Share အဖွဲ့ဝင်အဖြစ် စာရင်းဖွင့်ရန်လျှောက်လွှာကို အောက်ပါအတိုင်းပြုလုပ်မှသာလျှင် အဖွဲ့ဝင်အဖြစ် လက်ခံနိုင်မည်။
    1. လျှောက်ထားသူသည် ဤသတ်မှတ်ချက်များနှင့်စည်းကမ်းချက်များကို လိုက်နာရန်သဘောတူသည်။
    2. လျှောက်ထားသူသည် Yoma Car Share မှ လိုအပ်သည်ဟုယူဆသောလျှောက်လွှာပုံစံများအားလုံးကို ဖြည့်စွက်ရမည်။ လိုအပ်သောသတင်းအချက်အလက်များတွင် ငွေပေးချေမှုကတ်အချက်အလက်၊ ကော်ပိုရိတ်ငွေပေးချေမှု သဘောတူညီချက်၊ ယာဉ်မောင်းလိုင်စင်အချက်အလက်၊ နိုင်ငံသားကတ် (သို့) နိုင်ငံကူးလက်မှတ်အမှတ်၊ နေရပ်လိပ်စာထောက်ခံချက်နှင့် ID-Selfie တို့ပါဝင်သည်။
    3. လျှောက်ထားသူသည် မှန်ကန်သော မိမိကိုယ်ပိုင်အချက်အလက်များသာ ပေးမည်ဟု သဘောတူ ဂတိပြုသည်။
  3. တစ်ဦးချင်းအကောင့်ပိုင်ရှင်ဖြစ်ရန်လျှောက်ထားသောအခါ အကောင့်ပိုင်ရှင်သည် Yoma Car Share အား အကောင့်ပိုင်ရှင်အမည်၊ ယာဉ်မောင်းလိုင်စင်၊ လိပ်စာ၊ အီးမေးလ်လိပ်စာ၊ ခရက်ဒစ်ကတ် အသေးစိတ်အချက်အလက်၊ နေရပ်လိပ်စာထောက်ခံချက်နှင့် ID-Selfie စသည့် မှန်ကန်သော သတင်းအချက်အလက်များကို ပေးရမည်။ လူကြီးမင်း၏ ကတ်ကို အတည်ပြုရန်အတွက် မြန်မာငွေ ၃၀၀၀ ကျပ် ပမာဏ ကို ကောက်ခံမည် ဖြစ်သည်။ ဤလုပ်ငန်းစဉ်သည် ပထမဆုံးအကြိမ် ကတ်အသစ် အပ်နှံခြင်း အတွက်သာ ဖြစ်ပြီး ၎င်းပမာဏသည် ၂၄ နာရီအတွင်း အလိုအလျောက် ပြန်အမ်းပါမည်။ Corporate အကောင့်ကိုင်ဆောင်သူ အတွက် ၎င်းအကောင့်အောက်ရှိ အဖွဲ့ဝင်အားလုံး၏ အသေးစိတ်အချက်အလက်များအပါအဝင် ကားငှားရမ်းခြင်း/ ပယ်ဖျက်ခြင်း၊ ငွေပေးချေရန်သတ်မှတ်ထားသော ပုဂ္ဂိုလ်၊ အဖွဲ့ဝင်များ၏ယာဉ်မောင်းလိုင်စင်ကို Yoma Car Share သို့ပေးပို့ရန်တာဝန်ရှိသည်။ Corporate အကောင့်တာဝန်ရှိသူသည် ၎င်းအဖွဲ့ဝင်များ၏ သတင်းအချက်အလက်အပြောင်းအလဲများကို Yoma Car Share သို့အကြောင်းကြားရန်မှာ Corporate အကောင့်တာဝန်ယူထားသူ၏ တာဝန်သာဖြစ်သည်။
  4. Yoma Car Share သည် အဖွဲ့ဝင်ရန် လျှောက်ထားသူများမှ ဖေါ်ပြသည့် အချက်အလက်များကို စစ်ဆေးပိုင်ခွင့်ရှိသည်။ ထိုသို့စစ်ဆေးရာတွင် Corporate သို့မဟုတ် Individual လျှောက်လွှာပါအချက်အလက်များဖြစ်သည့် ၎င်း၏ယာဉ်မောင်းလိုင်စင်၊ ဆက်သွယ်ရန် အသေးစိတ်အချက်အလက်၊ ငွေပေးချေမှု အသေးစိတ်အချက်အလက်နှင့် အတူ အခြားသော အသေးစိတ် အချက်အလက်များ ပါဝင်သည်။ ထိုသို့ Yoma Car Share အဖွဲ့ဝင်အဖြစ်လျှောက်ထားခြင်းဖြင့် သင်သည် သင်၏ လျှောက်လွှာတွင် ဖော်ပြထားသော အသေးစိတ်အချက်အလက်များကို စစ်ဆေးရန် ကျွန်ုပ်တို့အား ခွင့်ပြုထားခြင်း ဖြစ်သည်။
  5. အဖွဲ့အစည်းတစ်ခု/လုပ်ငန်းတစ်ခုသည် Yoma Car Share Corporate အကောင့်အောက်တွင် အဖွဲ့ဝင်များစွာကိုလျှောက်ထားနိုင်ပြီး မိမိအဖွဲ့အစည်းအောက်တွင် အသုံးပြုနေသော Yoma Car Share အဖွဲ့ဝင်များစာရင်းကို အမြဲမပြတ် စစ်ဆေးအတည်ပြုရန်မှာ အဖွဲ့အစည်း၏ တာဝန်သာဖြစ်သည်။ အဖွဲ့ဝင်တစ်ယောက်သည် အဖွဲ့အစည်းတွင် အလုပ်လုပ်ကိုင်ခြင်း မရှိတော့ပါက အဖွဲ့ဝင်၏ အကောင့်ကိုဖျက်ရန် ထိုသက်ဆိုင်ရာအဖွဲ့အစည်းမှ Yoma Car Share ကိုအကြောင်းကြားရမည်။ မိမိ အဖွဲ့အစည်း၏ Corporate အကောင့်အောက်တွင် မည်သည့်အဖွဲ့ဝင် အသုံးပြုနိုင်ခြင်းရှိမရှိသည် Yoma Car Share တာဝန်မဟုတ်ပါ။
  6. Corporate အကောင့်တွင် အဖွဲ့ဝင်သည် ကားငှားခြင်း လျှောက်တင်ပါက သက်ဆိုင်ရာ တာဝန်ရှိသူ (သို့) တာဝန်ရှိသူများမှ ကားငှားခြင်းကို အတည်ပြုခြင်း (သို့) ငြင်းပယ်ခြင်းပြုလုပ်ရမည်။ Corporate ကားငှားခြင်းများကို စစ်ဆေးပြီး အတည်ပြုရမည်မှာ အဖွဲ့အစည်း၏ သက်ဆိုင်ရာ အတည်ပြုသူ၏ တာဝန်သာဖြစ်ပြီး အတည်ပြုသူ အပြောင်းအလဲရှိပါက Yoma Car Share ကို အကြောင်းကြားရမည်။
  7. Yoma Car Share တွင် Corporate အကောင့်လျှောက်ထားခြင်းဖြင့် အဖွဲ့အစည်းသည် မိမိအဖွဲ့ဝင်များ၏ ပေးရန်ရှိလက်ကျန်များ အားလုံးအတွက် တာဝန်ရှိသည်။
  8. Yoma Car Share အဖွဲ့ဝင်အဖြစ်လျှောက်ထားခြင်းတွင် ကျွန်ုပ်တို့၏ ဆုံးဖြတ်ချက်ဖြင့် အဖွဲ့ဝင်လျှောက်လွှာကို ငြင်းပယ်ပိုင်ခွင့်ရှိသည်။ Yoma Car Share တွင် အဖွဲ့ဝင်ခွင့်ရရှိထားသောသူများအား Yoma Car Share ဝန်ဆောင်မှုများအသုံးပြုခွင့်ကို ကျွန်ုပ်တို့၏ ဆုံးဖြတ်ချက်ဖြင့် ရုတ်သိမ်းခွင့်ရှိသည်။

၄။ Yoma Car Share ၌ ယာဉ်မောင်းသူ/အပိုယာဥ်မောင်းစာရင်းဖွင့်ရန် လျှောက်ထားခြင်း

  1. လူတစ်ဦးတစ်ယောက်သည် လျှောက်လွှာကို အွန်လိုင်း (သို့မဟုတ်) လျှောက်လွှာစာရွက်ပေါ်ဖြည့်ခြင်းဖြင့် Yoma Car Share မောင်းသူအဖြစ် စာရင်းသွင်းလျှောက်ထားနိုင်သည်။
  2. Yoma Car Share ကားမောင်းသူ/အပိုယာဥ်မောင်းစာရင်းဖွင့်ရန်လျှောက်လွှာကို အောက်ပါအတိုင်းလက်ခံနိုင်သည်။
    1. လျှောက်ထားသူသည် ဤသတ်မှတ်ချက်များနှင့်စည်းကမ်းချက်များကို လိုက်နာရန်သဘောတူသည်။
    2. လျှောက်ထားသူသည် Yoma Car Share မှ လိုအပ်သည်ဟုယူဆသောလျှောက်လွှာပုံစံများအားလုံးကို ဖြည့်စွက်ရမည်။
    3. လျှောက်ထားသူသည် မှန်ကန်သော မိမိကိုယ်ပိုင်အချက်အလက်များသာ ပေးမည်ဟု သဘောတူ ကတိပြုသည်။
  3. ယာဉ်မောင်းသူအဖြစ်လျှောက်ထားသောအခါ အကောင့်ပိုင်ရှင်/ ယာဉ်မောင်းသူသည် Yoma Car Share ထံသို့ ယာဉ်မောင်းသူ၏ အမည်၊ အသက်၊ နေရပ်လိပ်စာနှင့် ယာဥ်မောင်းမှတ်တမ်း အစရှိသည်တို့ကို မှန်ကန်စွာဖြည့်စွက်ပေးရမည်။ အဖွဲ့ဝင်ကာလအတွင်း အဖွဲ့ဝင်များ၏ သတင်းအချက်အလက်အပြောင်းအလဲများကို Yoma Car Share ထံသို့ပေးပို့ရန်မှာ အကောင့်ပိုင်ရှင် (သို့မဟုတ်) ယာဉ်မောင်း၏ တာဝန်သာဖြစ်သည်။
  4. အကောင့်ပိုင်ရှင်သည် သူ၏ Yoma Car Share အကောင့်တွင် ယာဉ်မောင်းတစ်ဦးထက်ပို၍လျှောက်ထားနိုင်ပါသည်။ ယာဥ်မောင်း/အပိုယာဉ်မောင်း၏ သတင်းအချက်အလက်များကိုလည်း Yoma Car Share Platform မှတဆင့် အကောင့်ပိုင်ရှင်က ပေးပို့နိုင်မည်ဖြစ်သည်။ အပိုယာဉ်မောင်းထပ်ဖြည့်ခြင်းအားဖြင့် အကောင့်ပိုင်ရှင်သည် ကားမောင်းသူအား ၎င်းတို့၏ ငွေစာရင်းသို့ ငွေတောင်းခံခွင့် ခွင့်ပြုချက်ပေးရမည်။
  5. ယာဉ်မောင်းကို Yoma Car Share ဝက်ဘ်ဆိုဒ်/မိုဘိုင်းအက်ပလီကေးရှင်းတွင် အပိုယာဉ်မောင်း (Extra Driver) ဟုခေါ်ဆိုမည်။
  6. Extra Driver ဆိုသည်မှာ Yoma Car Share အဖွဲ့ဝင် (သို့မဟုတ်) အကောင့်ပိုင်ရှင်နှင့်အတူ လိုက်လံပြီး အတူတကွ ကားမောင်းပေးသောသူဖြစ်သည်။

၅။ ကားများရယူအသုံးပြုပုံ

  1. Yoma Car Share မှ ကားများကို သင်၏ smart phone မှတဆင့် Yoma Car Share မိုဘိုင်းအက်ပလီကေးရှင်းဖြင့် အသုံးပြုနိုင်သည်။ Yoma Car Share မိုဘိုင်းအက်ပလီကေးရှင်းကို iOS App Store ၊ The Google Play Store နှင့် Huawei AppGallery တို့ တွင်ရယူနိုင်သည်။ အဖွဲ့ဝင်တစ်ဦးသည် အဖွဲ့ဝင်ခွင့်ပြုချက်ရပြီးသည်နှင့်တပြိုင်နက် ကားငှားရမ်းရန် reservation တင်ပြီး ကားများကို အသုံးပြုနိုင်သည်။
  2. ယာဉ်မောင်းများသည် ၎င်းတို့၏ smart phone ရှိ Yoma Car Share မိုဘိုင်းအက်ပလီကေးရှင်းမှ Current Reservation အောက်ရှိ Internet သို့မဟုတ် Bluetooth function ကို အသုံးပြု၍ ကားအဝင်အထွက်ပြုလုပ်နိုင်သည်။
  3. အကယ်၍ Internet သို့မဟုတ် Bluetooth function အလုပ်မလုပ်ပါက လူကြီးမင်းအား လူကြီးမင်း၏ Tap Card (သို့မဟုတ်) Yoma Car Share ကားအတွင်းရှိ Temporary Tap Card ဖြင့် အသုံးပြုခွင့်ပေးမည်။ Tap Card ဆိုသည်မှာ Yoma Car Share အဖွဲ့ဝင်ကတ်ဖြစ်ပြီး ကားများကို အဖွင့်/အပိတ်/စက်နှိုးရန်အတွက်အသုံးပြုနိုင်သည်။
  4. Tap Card သည် Yoma Car Share ၏ ပိုင်ဆိုင်မှုဖြစ်ပြီး အကောင့်ဖျက်သိမ်းခြင်း (သို့) အသုံးပြုခြင်းရပ်ဆဲပါက Tap Card ကို ပြန်လည်အပ်နှံရမည်ဖြစ်သည်။
  5. Temporary Tap Card ဖြင့်ကားကို အသုံးပြုခဲ့ပါက ထိုကတ်ကို ကားထဲသို့ reservation မပြီးဆုံးမှီ ပြန်လည်ထားရှိရမည်။
  6. ၂၀၂၂ခုနစ် မတ်လနောက်ပိုင်းမှစတင်ကာ Yoma Car Share အဖွဲ့ဝင်ဖြစ်လာသူများသည် Tap Card ရရှိမည်မဟုတ်ပါ။

၆။ ကျွန်ုပ်တို့၏ တာဝန်များ

  1. Yoma Car Share သည် ကားများအားလုံး၏ လိုအပ်သောဝန်ဆောင်မှုနှင့်သန့်ရှင်းမှုကို ပုံမှန်စစ်ဆေးပေးသွားမည် ဖြစ်သည်။
  2. ဖော်ပြပါ သဘောတူညီချက်စာချုပ်အောက်ရှိ အကောင့်ပိုင်ရှင်/ ယာဉ်မောင်းမှ သဘောတူညီချက်စာချုပ်အား ချိုးဖောက်ခြင်း၊ သုံးစွဲသူ၏ ပေါ့ဆမှု၊ မှားယွင်းစွာဖော်ပြခြင်း သို့မဟုတ် အောက်ပါကိစ္စရပ်များအတွက် Yoma Car Share မှ တာဝန်ယူမည်မဟုတ်ပါ။
    1. အကောင့်ပိုင်ရှင်/ ယာဉ်မောင်းကြောင့် ဖြစ်ပေါ်သော ပျက်ဆီးဆုံးရှုံးမှုများကြောင့် တခြားအဖွဲ့အစည်းမှ တောင်းဆိုမှုများ
    2. အကောင့်ပိုင်ရှင်/ ယာဉ်မောင်းမှ ကြုံကြိုက်ရသည့် အမြတ်အစွန်းဆုံးရှုံးခြင်း၊ အလုပ်အကိုင် အခွင့်အလမ်းဆုံးရှုံးခြင်း၊ ကြိုတင်စုငွေဆုံးရှုံးခြင်း သို့မဟုတ်
    3. အကောင့်ပိုင်ရှင်/ ယာဉ်မောင်းမှ သွယ်ဝိုက်၍သော်လည်းကောင်း သို့မဟုတ် အကျိုးဆက် ခံစားရသည့် မည်သည့်ပျက်စီးဆုံးရှုံးမှုမျိုးမဆိုဖြစ်သည်။

၇။ လူကြီးမင်း၏ တာဝန်များ

  1. မော်တော်ယာဉ်အား ကျွန်ုပ်တို့၏ တရားဝင်ခွင့်ပြုချက်ရရှိထားသော ယာဉ်မောင်းမှသာ မောင်းနှင်ခွင့်ရှိမည်ဖြစ်သည်။ မြန်မာယာဥ်မောင်းလိုင်စင် ကိုင်ဆောင်ထားသော အဖွဲ့ဝင်ယာဉ်မောင်းများသာလျှင် Yoma Car Share ၏ ကားအာမခံအကာအကွယ်ကို ရရှိမည်ဖြစ်သည်။
  2. လူကြီးမင်းသည် ကျွန်ုပ်တို့၏ ကားများအား မြန်မာယာဥ်မောင်းလိုင်စင် (သို့မဟုတ်) အာဆီယံယာဥ်မောင်းလိုင်စင် (သို့မဟုတ်) နိုင်ငံတကာယာဥ်မောင်းပါမစ်ဖြင့် မောင်းနှင်နိုင်သည်။ သို့သော် မြန်မာယာဥ်မောင်းလိုင်စင် ကိုင်ဆောင်ထားသူသာလျှင် ကျွန်ုပ်တို့၏ အာမခံမူဝါဒကို ခံစားခွင့်ရရှိမည် ဖြစ်သည်။ အကယ်၍ အာဆီယံယာဥ်မောင်းလိုင်စင် (သို့မဟုတ်) နိုင်ငံတကာယာဥ်မောင်းပါမစ် ကိုင်ဆောင်သူများသည် ယာဥ်မတော်တဆထိခိုက်မှု တစ်စုံတစ်ရာ ဖြစ်ပွားခဲ့ပါက ၎င်းထိခိုက်မှု၏ ပြင်ဆင်မှု ကုန်ကျစရိတ်အဝဝကို ယာဥ်မောင်းမှ အလုံးစုံ တာဝန်ယူပေးဆောင်ရမည် ဖြစ်သည်။
  3. အကယ်၍ လူကြီးမင်း သို့မဟုတ် လူကြီးမင်းတို့၏ယာဉ်မောင်းများအနေဖြင့် ကျွန်ုပ်တို့၏ တရားဝင်ခွင့်ပြုထားခြင်းမရှိသော ယာဉ်မောင်းအား Yoma Car Share မှ မော်တော်ယာဉ်များအား မောင်းနှင်ခွင့်ပေးသောကြောင့် ဖြစ်ပေါ်သော မည်သည့် ပျက်စီးဆုံးရှုံးမှုမျိုးမဆို အကောင့်ပိုင်ရှင်များမှ တာဝန်ယူရမည်။
  4. ယာဉ်မောင်းများသည် အောက်ပါကိစ္စရပ်များအတွက် ကားအသုံးပြုခြင်းများကို ခွင့်မပြုပါ -
    1. ပြန်လည်ငှားရမ်းခြင်း သို့ ဆုလာဘ်အဖြစ်အသုံးပြုခြင်း
    2. မည်သည့်တရားမဝင်ရည်ရွယ်ချက်မျိုးနှင့်မဆိုအသုံးပြုခြင်း
    3. လေးဘီးမောင်းယာဉ် (Four-Wheel Drive - 4WD) မဟုတ်ပါက မည်သည့်လမ်းပေါ်တွင်မဆို လမ်းကြမ်း မောင်းနှင်ခြင်း၊ လမ်းမရှိသည့်နေရာတွင် မောင်းနှင်ခြင်း၊ အချောမသတ်ရသေးသည့် ပြုပြင်ဆဲလမ်းများပေါ်တွင် မောင်းနှင်ခြင်း
    4. ပဋိပက္ခဖြစ်ပွားနေသည်ဟု ယူဆထားသော တည်နေရာများ သို့သွားရောက်ခြင်း၊ ဖြတ်သွားခြင်းများ
    5. ကားပြိုင်ပွဲဝင်ခြင်း
    6. ကားမောင်းသင်ခြင်း
    7. မမှန်ကန်မသင့်လျော်သော မည်သည့်ကုန်ပစ္စည်းများကိုမဆို သယ်ဆောင်ခြင်း၊ ဝန်ပိုတင်ရန် မဟုတ်သော မော်တော်ယာဉ်ပေါ်သို့ ဝန်ပိုတင်ဆောင်ခြင်း
    8. ပြည်ထောင်စုသမ္မတမြန်မာနိုင်ငံ၏ တရားဝင်ပိုင်နက်နယ်နိမိတ်ပြင်ပသို့ မောင်းနှင်ခြင်း
    9. Yoma Car Share ကားကို ထပ်ဆင့်ငှားရမ်းပြီး ထိုငှားရမ်းသူအား Extra Driver (အပိုယာဉ်မောင်း) အနေဖြင့် ထည့်ကာအသုံးပြုခြင်း
  5. အကောင့်ပိုင်ရှင်များ သို့မဟုတ် ယာဉ်မောင်းများသည် ကား သို့မဟုတ် ယင်း၏အစိတ်အပိုင်းများကိုရောင်းချခြင်း၊ ဖယ်ရှားခြင်း၊ ငှားရမ်းခြင်း၊ ပေါင်နှံခြင်း (သို့မဟုတ်) မည်သူတစ်ဦးတစ်ယောက်ကိုမျှ ကားနှင့် ပတ်သက်သော တရားဝင်အခွင့်အရေးများပေးရန် ကြံစည်အားထုတ်ခြင်းများ မပြုရ။
  6. စိတ်ပိုင်းဆိုင်ရာအား စိုးမိုးပြောင်းလဲစေသော အရာများ/ဆေးဝါးများ၊ မူးယစ်ဆေးများ၊ ယမကာ (အရက်သေစာများ) အသုံးပြုထားပါက မော်တော်ယာဉ်အား မောင်းနှင်ခြင်းမပြုရ။ မြန်မာနိုင်ငံ၏ကုန်းလမ်းနှင့်သယ်ယူပို့ဆောင်ရေးဆိုင်ရာ ဥပဒေများနှင့် သက်ဆိုင်သော တရားဝင် ကန့်သတ်ချက်များအတိုင်း လိုက်နာပြီး ယာဥ်မောင်းနှင်ရမည်ဖြစ်သည်။
  7. ယာဉ်အလိုက် သတ်မှတ်ထားသည့် သတ်မှတ်လူဦးရေထက်ကျော်လွန်၍ တင်ဆောင်မောင်းနှင်ခြင်း မပြုရ။
  8. ယာဉ်မောင်းသည် မော်တော်ယာဉ်သို့ ဝန်ပိစေသော ပစ္စည်းများကို သယ်ဆောင်ခြင်းမပြုရန်။
  9. Yoma Car Share ပိုင် မော်တော်ယာဉ်ဖြင့် အခြားမော်တော်ယာဉ်အား ဆွဲယူ၊ သယ်ဆောင်ခြင်းသည် မြန်မာနိုင်ငံ ဥပဒေအရ တရားမဝင်ပါ။
  10. ယာဉ်မောင်းသူသည် ကား၏ချွတ်ယွင်းချက် သို့မဟုတ် ပျက်စီးမှုကို သတိပြုမိလျှင် ယာဉ်မောင်းသည် Yoma Car Share ၏ ၂၄ နာရီ ဝန်ဆောင်မှု Call Center သို့ချက်ချင်းအကြောင်းကြားရမည်။ ကားအတွင်းပိုင်းပျက်စီးမှု (သို့) ကား၏ အခြေအနေအသေးစိတ်ကို ဟော့လိုင်းဖုန်းနံပါတ်မှ တဆင့်သတင်းပို့ရမည်။
  11. အကောင့်ပိုင်ရှင်မှ ကားကိုအသုံးပြုရာတွင် သာမန်ထပ်ပို၍ အလွန်အကျွံ ယို့ယွင်းဟောင်းနွမ်းမှုများဖြစ်လာပါက ထိုပြင်ဆင်မှုများအတွက် အခကြေးငွေများ၊ အလွန်အကျွံညစ်ပတ်၍ ကားသန့်ရှင်းရေးပြုလုပ်ရသည့်အခ‌ကြေးငွေများ၊ ကားအတွင်းအပြင် ပျက်စီးမှုများအတွက် ပြင်ဆင်ခများ အစရှိသည်တို့ကို ကောက်ခံမည်ဖြစ်သည်။
  12. ယာဉ်မောင်းသည် မည်သည့်အချိန်တွင်မဆို အကျိုးသက်ရောက်နိုင်သည့် ဥပဒေများ၊ စည်းမျည်းစည်းကမ်းများနှင့်အညီ ကားကို မောင်းနှင်ရမည်။
  13. ငှားရမ်းခြင်းဆိုင်ရာစည်းကမ်းချက်များကို ဖောက်ဖျက်သော မည်သည့်အကောင့်ပိုင်ရှင်/ ယာဉ်မောင်း၏ အဖွဲ့ဝင်အခွင့်အရေးကိုမဆို ကျွန်ုပ်တို့မှ ချက်ချင်းဆိုင်းငံ့ပိုင်ခွင့် သို့မဟုတ် ရပ်ဆဲပိုင်ခွင့်ရှိသည်။ ထိုသို့ဆိုင်းငံ့မှုအပေါ်တွင် အကောင့်ပိုင်ရှင်/ ယာဉ်မောင်းအောက်ရှိ ပြုလုပ်ပြီးသား reservation များကို ကျွန်ုပ်တို့၏ ဆုံးဖြတ်ချက်ဖြင့် ဖျက်သိမ်းနိုင်သည်။
  14. ကားငှားရမ်းအသုံးပြုနေစဉ်အတွင်း အဖွဲ့ဝင်မှ Yoma Car Share ၏ စည်းမျဉ်းစည်းကမ်းများကို ဖေါက်ဖျက်နေသည်ဟု ယူဆရပါက Yoma Car Share မှ ထိုအဖွဲ့ဝင်ငှားရမ်းထားသည့် ကားအသုံးပြုခွင့်ကို ကျွန်ုပ်တို့၏ ဆုံးဖြတ်ချက်ဖြင့် ဖျက်သိမ်းနိုင်သည်။

၈။ ကြိုတင်ငှားရမ်းခြင်း

  1. ယာဉ်မောင်းတစ်ဦးသည် အချိန်တစ်ခုတွင် ကားတစ်စီးသာ မိမိအကောင့်ဖြင့် ငှားရမ်းအသုံးပြုနိုင်သည်။
  2. တတိယပုဂ္ဂိုလ်သည် မည်သည့်အခြေအနေမျိုးတွင်မဆို အကောင့်ပိုင်ရှင် သို့မဟုတ် ယာဉ်မောင်း၏ ကိုယ်စား ကားတစ်စီးကို ကြိုတင်ငှားရမ်းခြင်း မပြုရပါ။ ကော်ပိုရိတ်အကောင့်မန်နေဂျာမှသာလျှင် ကော်ပိုရိတ်အကောင့်ကို အသုံးပြု၍ အခြားယာဉ်မောင်းတစ်ဦးအတွက် ကားကြိုတင်ငှားရမ်းနိုင်သည်။
  3. ကြိုတင်ငှားရမ်းခြင်းကို အချိန်မရွေး အွန်လိုင်းမှပြုလုပ်နိုင်သည်။
  4. အွန်လိုင်းမှ ကြိုတင်ငှားရမ်းမှု ပြုလုပ်ပြီးသည်နှင့် ငှားရမ်းခြင်းအတည်ပြု အီးမေးလ်ကို ပြန်လည်ပေးပို့မည်ဖြစ်သည်။ အီးမေးလ်ပါ အချက်အလက်များသည် ကြိုတင်ငှားရမ်းခြင်းကို အသိအမှတ်ပြုခြင်းဖြစ်သည်။ ကြိုတင်ငှားရမ်းခြင်း အတည်ပြု အီးမေးလ်များတွင် မိမိလိုလားသော အချိန်နှင့်တည်နေရာများ အတည်ပြုစစ်ဆေးရမည်မှာ အဖွဲ့ဝင်များ၏ တာဝန်ဖြစ်သည်။
  5. Corporate အကောင့်တွင် အဖွဲ့ဝင်သည် ကားငှားခြင်း လျှောက်တင်ပါက သက်ဆိုင်ရာ တာဝန်ရှိသူ (သို့) တာဝန်ရှိသူများမှ ကားငှားခြင်းကို အတည်ပြုခြင်း (သို့) ငြင်းပယ်ခြင်းပြုလုပ်ရန် တာဝန်ရှိသည်။ ထိုသို့ ကားငှားခြင်းကို အတည်ပြုခြင်း (သို့) ငြင်းပယ်ခြင်းပြုလုပ်ရန် ပျက်ကွက်ခဲ့ပါက Corporate အကောင့်ကားငှားခြင်းသည် အလိုအလျောက်ပယ်ဖျက်သွားခြင်းကို ဖြစ်စေနိုင်ပြီး Yoma Car Share သည် ထိုသို့ ပယ်ဖျက်သွားခြင်းကြောင့် ကားရရှိခြင်းကို အာမမခံနိုင်ပါ။
  6. ကြိုတင်ငှားရမ်းခြင်းမတိုင်မီ 4 မိနစ်အလိုတွင် စရံငွေ MMK 600,000 နှင့် ခရီးစဉ်၏ ခန့်မှန်းကျသင့်ငွေကို Credit Card အသုံးပြုသူများအတွက် ၎င်းငွေပမာဏကို ၎င်း၏ credit card တွင် ခရီးပြီးသည်အထိ တားဆီးထားမည်ဖြစ်ပြီး Debit Card တွင် ရယူထားမည်ဖြစ်သည်။ Mobile Wallet အသုံးပြုများသည် ထိုပမာဏကို reservation ပြုလုပ်စဉ်အတွင်းပေးချေရမည်။ ခရီးစဉ်အဆုံးတွင် ကြိုတင်ပေးချေထားသော ငွေပမာဏ သို့မဟုတ် ပေးချေထားသော ငွေပမာဏကို ကားအပ်ပြီး ခရီးစရိတ်ကုန်ကျငွေအပေါ် မူတည်၍ ငွေပြန်အမ်းခြင်း သို့မဟုတ် ထပ်မံနှုတ်ယူခြင်း စသည်ဖြင့် ပြန်လည်ညှိနှိုင်းမည် ဖြစ်သည်။ (Mobile Wallet ဖြင့်ပြုလုပ်သော Reservation များကို ပြင်ဆင်ခွင့်မရှိပါ။)
  7. ကျွန်ုပ်တို့သည် ကြိုတင်ငှားရမ်းမှုပြုလုပ်ထားသော မည်သည့်မော်တော်ယာဉ်ကိုမဆို လဲလှယ်ပိုင်ခွင့်ရှိသည်။
  8. သင် ကြိုက်နှစ်သက်သောကြိုတင်ငှားရမ်းချိန် မတိုင်မီ ကားရရှိနိုင်ရန် ကျွန်ုပ်တို့မှ အာမမခံနိုင်ပါ။

၉။ ကြိုတင်ငှားရမ်းကာလ

  1. အကောင့်ပိုင်ရှင်/ ယာဉ်မောင်းသည် ကားအသုံးမပြုမီ ကြိုတင်စာရင်းသွင်း ငှားရမ်းရမည်။
  2. အနည်းဆုံးငှားရမ်းကာလသည် မိနစ် 59 ဖြစ်ပြီး အများဆုံးငှားရမ်းကာလသည် ရက် ၃၀ ဖြစ်သည်။
  3. ယာဉ်မောင်းများသည် ကားများကို ငှားရမ်းကာလအတွင်းသာ အသုံးပြုရမည်ဖြစ်သည်။
  4. အကောင့်ပိုင်ရှင်/ ယာဉ်မောင်းများသည် ငှားရမ်းခြင်းကို ၆ လ ကြိုတင်၍ စာရင်းသွင်းငှားရမ်းနိုင်သည်။
  5. အကောင့်ပိုင်ရှင်သည် လက်ရှိ reservation ကို ခရီးချိန် အနည်းဆုံး (60)မိနစ် အများဆုံး (7)ရက် အထိ တစ်ကြိမ်သက်တမ်းတိုးနိုင်သည်။ ထိုခရီးသက်တမ်းတိုးခြင်းအတွက် ကားရနိုင်ခြင်း မရနိုင်ခြင်းကို Yoma Car Share မှ အာမခံ မခံနိုင်ပါ။ Yoma Car Share မှ သက်တမ်းတိုးသော ကားငှားရမ်းခြင်းများအတွက် ကားအမျိုးအစားပြောင်းလဲခြင်း (သို့မဟုတ်) သက်တမ်းတိုးခြင်းကို ပယ်ဖျက်ပိုင်ခွင့်ရှိသည်။ အကယ်၍ ကားအမျိုးအစားပြောင်းလဲရပါက ထိုကား၏ ငှားရမ်းခများကို ပေးချေရမည်။
    1. ကားငှားရမ်းခြင်း အများဆုံးကာလ အတွင်းတွင် Yoma Car Share သည် ကားအငှား ခရီးစဉ် သက်တမ်းတိုး လုပ်ဆောင်မှုကို ၀က်ဘ်ဆိုက် နှင့် အက်ပလီကေးရှင်း နှစ်ခုလုံးမှ ဖျက်သိမ်းခွင့်ရှိသည်။
  6. အဖွဲ့ဝင်သည် reservation တစ်ခု၏ ကားယူမည့်အချိန်နှင့် နေရာကို ၂ ကြိမ်ထက် ပို၍ ပြင်ဆင်‌ပြောင်းလဲပါက ၎င်း reservation ကို Yoma Car Share မှ အပြီးတိုင် ဖျက်သိမ်းပိုင်ခွင့်ရှိသည်။
    1. Reservation တိုင်း၏ ကားယူမည့်အချိန်နှင့် နေရာကို ၂ ကြိမ်ထက် ပို၍ ပြင်ဆင်‌ပြောင်းလဲခြင်းနှင့် ကြိမ်ဖန်များစွာ အလွန်အကျွံ ပြင်ဆင်ပြောင်းလဲမှုများရှိလာပါက Yoma Car Share သည် ၎င်းအဖွဲ့ဝင်အား အဖွဲ့၀င်အဖြစ်မှ ဆိုင်းငံ့ နိုင်သည်။

၁၀။ ငှားရမ်းမှုဖျက်သိမ်းခြင်း

  1. ကြိုတင်ငှားရမ်းမှု မတိုင်မီ မည်သည့်အချိန်တွင်မဆို ငှားရမ်းခြင်းကို ဖျက်သိမ်းနိုင်သည်။
  2. စတင်အသုံးပြုပြီးပါက ကြိုတင်ငှားရမ်းမှုကို ဖျက်သိမ်း၍ မရပါ သို့သော် ငှားရမ်းမှုကို စောလျင်စွာ ဖျက်သိမ်းနိုင်သည်။
  3. Reservation ကိုပယ်ဖျက်သောအခါတွင် ဖျက်သိမ်းကြေး MMK 10,000 ကောက်ခံမည်။ ထိုဖျက်သိမ်းကျသင့်ငွေကို အကောင့်ပိုင်ရှင်မှ အဖွဲ့ဝင်ပွိုင့်၊ ကူပွန်၊ Credbit/Debit Card သို့မဟုတ် Mobile Wallet ဖြင့် ပေးချေနိုင်သည်။
  4. အကယ်၍ အကောင့်ပိုင်ရှင်သည် လွန်စွာ ကြိုတင်ငှားရမ်းခြင်း ဖျက်သိမ်းမှုများပြုလုပ်သည်ဟုယူဆရပါက (ဆိုလိုသည်မှာ တစ်လအတွင်း ၅ကြိမ် ဖျက်သိမ်းမှုပြုလုပ်ပါက) Yoma Car Share မှ ထိုအကောင့်ပိုင်ရှင်၏ အဖွဲ့ဝင်အကောင့်အား ဖျက်သိမ်းနိုင်သည်။
  5. ကုမ္ပဏီအကောင့်ပိုင်ရှင်များအား ငှားရမ်းမှုဖျက်သိမ်းခြင်း မကောက်ခံပါ။
  6. Yoma Car Share မှ မည်သည့် reservation ကိုမဆို ဖျက်သိမ်းပိုင်ခွင့်ရှိသည်။

၁၁။ ကားလက်ဝယ်ရယူခြင်း

  1. ယာဉ်မောင်းသည် ကားငှားရမ်းရယူသည့် Yoma Fleet ၏ အချက်အချာတည်နေရာမှ ကားကိုသွားရောက်ရယူရမည်။
  2. ငှားရမ်းခြင်းကာလမစတင်မီ ကား၏အတွင်းပိုင်းနှင့် အပြင်ပိုင်းအခြေအနေ စစ်ဆေးခြင်းအပြင်၊ ကားဆီဖြည့်ကတ်နှင့် လောင်စာဆီပမာဏတို့ကို စစ်ဆေးရန်မှာ ယာဉ်မောင်း၏ တာဝန်ဖြစ်သည်။ ငှားရမ်းခြင်းကာလအစတွင် မည်သည့်အပျက်အစီးအဆုံးအရှုံးကိုမဆို ကျွန်ုပ်တို့ထံသို့ Yoma Car Share မိုဘိုင်းအက်ပလီကေးရှင်းရှိ Current Reservation ၏ Check Car မှ တဆင့် ချက်ခြင်းအကြောင်းကြားရန် ပျက်ကွက်ပါက ငှားရမ်းခြင်းကာလအစတွင် ကား၏လုပ်ဆောင်မှု အခြေအနေကောင်းမွန်ကြောင်း သင်ကလက်ခံ‌သည်ဟု ယူဆမည်ဖြစ်သည်။ ထို့ကြောင့် reservation စတင်ပြီးနောက် အကြောင်းကြားသောအရာသည် ယာဉ်မောင်း၏တာဝန်သာဖြစ်သည်ဟု မှတ်ယူပြီး ပြုပြင်ခြင်း သို့မဟုတ် သန့်ရှင်းရေး ကုန်ကျစရိတ်အတွက် ယာဉ်မောင်း နှင့်/သို့မဟုတ် အကောင့်ပိုင်ရှင်မှတာဝန်ယူရမည်။ (Check Car feature ကို reservation စတင်ပြီး ၁ နာရီအတွင်းသာအသုံးပြုနိုင်သည်။)
  3. ကျွန်ုပ်တို့သည် လူကြီးမင်းမှ ကြိုတင်ငှားရမ်းထားသည့်နေ့တွင် ကြိုတင်ငှားရမ်းထားသော ကားရှိရမည်ဟု အာမမခံပါ။ ကျွန်ုပ်တို့သည် ကားရရှိနိုင်မှုပေါ် မူတည်ပြီး ကားအစားထိုး ပြောင်းလဲပိုင်ခွင့်ရှိပြီး ၊ လူကြီးမင်း၏ တောင်းဆိုချက်အရ ကြိုတင် ငှားရမ်း ထားသည့် ကားအမျိုးအစားပြောင်းလဲမှုပေါ်မူတည်၍ နှုန်းထားပြောင်းလဲနိုင်သည်။

၁၂။ ငှားရမ်းခြင်းကာလ

  1. အသုံးပြုနေစဉ်ကာလအတောအတွင်းသာမက ကားငှားရမ်းခြင်း ကာလတစ်ခုလုံးတွင် ဖြစ်ပျက်သမျှ ယာဉ်၏ မည်သည့် အဖြစ်အပျက်မဆို ယာဉ်မောင်းသူ၏ တာဝန်သာဖြစ်သည်။ ဤတာဝန်တွင် တတိယပုဂ္ဂိုလ်မှ တာဝန်မယူနိုင်သော ထိခိုက်ပျက်စီးမှုများ အပါအဝင် ထိုထိခိုက်ပျက်စီးဆုံးရှုံးမှုများအပေါ် အပိုပေးဆောင်ရန်မှာ ယာဉ်မောင်းသူ၏ တာဝန်သာဖြစ်သည်။
  2. ငှားရမ်းကာလအတွင်း ယာဉ်မောင်းများသည် ယာဉ်၏ ချို့ယွင်းချက်တစုံတရာ သို့မဟုတ် မောင်းနှင်အသုံးပြုရန် စိတ်ချရသည့် အခြေအနေမရှိပါက ကျွန်ုပ်တို့ထံသို့ ချက်ချင်းဖုန်းဆက်အကြောင်းကြားရမည်။
  3. ကားများ ဆီဖြည့်သည့်အခါတွင်လည်း မှန်ကန်သည့် လောင်စာဆီအမျိုးအစားကိုသာ အသုံးပြုရမည်။
  4. ယာဉ်အတွင်း ဆေးလိပ်မသောက်ရ။ ယာဉ်အတွင်း ဆေးလိပ်သောက်သည်ဟု ယူဆရပါက ဒဏ်‌ငွေကျပ် (၁)သိန်းကောက်ခံမည်။ အိမ်မွေးတိရစ္ဆာန်များအား လှောင်အိမ်ဖြင့်သာသယ်ဆောင်ရမည်ဖြစ်ပြီး ယင်းအတွက် အပိုသန့်ရှင်းရေးခ ပေးဆောင်ရမည်။ ယာဉ်ပေါ်တွင် ဆေးလိပ်သောက်ခြင်း သို့မဟုတ် အိမ်မွေးတိရစ္ဆာန်အား လှောင်အိမ်ဖြင့် သယ်ဆောင်ခြင်းမပြုပါက သန့်ရှင်းရေးအခကြေးငွေကို လူကြီးမင်းမှ ပေးဆောင်ရမည်။ စက်မှုလုပ်ငန်းဆိုင်ရာ ဓာတုပစ္စည်းများ အပါအဝင် အနံ့ပြင်းသော ငါးခြောက်၊ မျှစ်၊ ဒူးရင်းသီး စသည့်အစားအစာများ တင်ဆောင်ခြင်းကိုလည်း တားမြစ်ထားသည်။
  5. ယာဉ်မောင်းများသည် ငှားရမ်းကာလတွင် ကားကို အသုံးမပြုပါက သော့ပိတ်ထားရမည်။ အကယ်၍ ကားငှားရမ်းအသုံးပြုစဥ် ကာလအတွင်း ယာဥ်မောင်းမှ ကားတံခါး မပိတ်ထားမိမှုကြောင့် ဖြစ်ပေါ်လာသော ပျက်စီးဆုံးရှုံးနစ်နာမှုများအတွက် ကုန်ကျစရိတ်များကို ကျွန်ုပ်တို့မှ တောင်းခံနိုင်သည်။
  6. လူကြီးမင်းသည် ငှားရမ်းကာလအတွင်း ပေးဆောင်ရမည့် ဒဏ်ငွေ၊ ဝန်ဆောင်ခ အခကြေးငွေစသည်တို့ အပါအဝင် အဝေးပြေးလမ်းမကြီး သို့မဟုတ် အခြားသက်ဆိုင်သောလမ်းများ အသုံးပြုခြင်းအတွက် ကျသင့်သော အခွန်အခများကို ပေးဆောင်ရန် တာဝန်ရှိသည်။
  7. ယာဥ်မောင်းနှင့် အဖွဲ့ဝင်များသည် မော်တော်ယာဥ်‌တွင်ပါဝင်သော မည်သည့်အစိတ်အပိုင်းဖြစ်စေ၊ အပိုပစ္စည်းများ၊ ထိုင်ခုံများ၊ စတစ်ကာများ၊ အမှတ်တံဆိပ်များ၊ ဆက်စပ်ပစ္စည်းများ၊ စက်ကိရိယာများ၊ မော်တော်ယာဥ်တွင်ပါဝင်သည့် ပစ္စည်းများအား ပြောင်းလဲခြင်း၊ ပြင်ဆင်ခြင်း၊ ဖယ်ရှားခြင်း များကို လုံးဝ ပြုလုပ်ခွင့်မရှိပါ။ ဤစည်းမျဥ်းစည်းကမ်းများကို ဖောက်ဖျက်ခဲ့ပါက Yoma Car Share မှ ကျေနပ်သည်အထိ ဒဏ်ကြေးငွေများ ပေးဆောင်ရမည်။
  8. ငှားရမ်းကာလအတွင်း ဖုန်းမကိုင်သော ယာဉ်မောင်းများအား အကူအညီအထောက်အပံ့မပေးနိုင်ပါ။
  9. အကောင့်ပိုင်အဖွဲ့ဝင်နှင့် ယာဉ်မောင်းများသည် Yoma Car Share ကားများကို လုံခြုံမှုမရှိသော၊ အန္တရာယ်များသော နေရာဒေသများတွင် အသုံးပြုခွင့်မပြုပါ။ လုံခြုံမှုမရှိသော၊ အန္တရာယ်များသော ဒေသများဆိုသည်မှာ စစ်ဖြစ်ပွားနေသောနေရာများ၊ တိုက်ပွဲနယ်မြေများ၊ ပဋိပက္ခဖြစ်ပွားနေသောနေရာများ၊ အငြင်းပွားနေသောနေမြေများကိုဆိုလိုသည်။
    1. အကယ်၍ ဤကဲ့သို့သော လုံခြုံမှုမရှိသော၊ အန္တရာယ်များသော နေရာဒေသများသို့ Yoma Car Share ကားဖြင့်သွားရောက်ပြီး တစ်စုံတစ်ခုဖြစ်ပွားခဲ့ပါက ကားအာမခံရရှိမည်မဟုတ်ပဲ အကောင့်ပိုင်အဖွဲ့ဝင် သို့မဟုတ် ယာဉ်မောင်းများမှ ဖြစ်ပေါ်လာသည့် ကိစ္စအဝဝအပါအဝင် ကားပြင်ဆင်မှုလိုအပ်လာသည်ဖြစ်စေ ကားပျောက်ဆုံးသည်ဖြစ်စေ ပေါ်ပေါက်လာသည့် ကုန်ကျစရိတ်အဝဝကို အပြည့်အဝတာဝန်ယူရမည်ဖြစ်သည်။
    2. လှုံခြုံမှုမရှိသော၊ အန္တရာယ်များသော နေရာဒေသများကို ကန့်သတ်နယ်မြေစာရင်းတွင် လေ့လာနိုင်သည်။
  10. အကောင့်ပိုင်ရှင်အဖွဲ့ဝင်မှ Yoma Car Share မှကားကို ၃၀ ရက် reservation ဖြင့် တစ်ကြိမ်ထပ်ပိုကာ ဆက်လက်ငှားရမ်းပါက ယာဉ်မောင်း (သို့မဟုတ်) အကောင့်ပိုင်ရှင်သည်
    1. Yoma Car Share မှ သတ်မှတ်ထားသည့် ကားပုံမှန်ပြုပြင်ထိန်းသိမ်းမှု service ချိန်နှင့်တိုက်ဆိုင်နေပါက ထို service ပြုလုပ်ရန်အတွက် ကားပြောင်းလဲမှုလိုအပ်လာပါက ကားပြောင်းလဲခွင့်ပေးရမည်။
    2. Yoma Car Share ကားအား လစဉ်စစ်ဆေးမှုပြုလုပ်ခြင်းကို လက်ခံရမည်။
    3. နောက် reservation မစတင်မှီ ကားကို rental hub သို့သွားရောက်ကာ End Trip မိမိကိုယ်တိုင် ပြုလုပ်ရမည်ဖြစ်ပြီး Yoma Car Share သည် အဝေးမှတဆင့် အကောင့်ပိုင်ရှင်ကိုယ်စား End Trip ပြုလုပ်ပေးရန် တာဝန်မရှိပါ။
    4. နောက် reservation မစတင်မှီ ယခင် reservation မှ ကားငှားရမ်းခနှင့် အခြားအခကြေးငွေများရှိပါက အားလုံးကို ပေးဆောင်ပြီးမှသာလျှင် နောက် reservation ကို အတည်ပြုမည်ဖြစ်သည်။ အကယ်၍ လူကြီးမင်းမှ ပေးရန်ကျန်ငွေများကို ပေးချေခြင်းမရှိပါက ကျွန်ုပ်တို့မှ upcoming reservation များကို ပယ်ဖျက်ခွင့်ရှိသည်။

၁၃။ ဆီဖြည့်ခြင်း

  1. ကျွန်ုပ်တို့ သတ်မှတ်နှုန်းထားတွင် လောင်စာဆီ အပါအဝင်ဖြစ်ပြီး လောင်စာဆီဖြည့်ရန်အတွက် လောင်စာဆီကတ် (သို့မဟုတ်) စာအုပ်ကို အသုံးပြုနိုင်သည်။ ကားပြန်လည်အပ်နှံသောအခါ ယာဉ်၏ လောင်စာဆီပမာဏသည် အနည်းဆုံးလက်ကျန် လေးပုံတစ်ပုံ ရှိရမည်။
  2. အကယ်၍ ယာဉ်မောင်းတစ်ဦးသည် ကျွန်ုပ်တို့ပိုင် လောင်စာဆီကတ်/စာအုပ်ကို အခြားရည်ရွယ်ချက်များအတွက် အသုံးပြုပါက ကျွန်ုပ်တို့အနေဖြင့် ၎င်းယာဉ်မောင်းအား အခွင့်ရယာဉ်မောင်းအဖြစ်မှ ရပ်ဆဲပိုင်ခွင့်ရှိသည်။ ထိုကဲ့သို့သော မတော်တဆမှု ကိစ္စရပ်များနှင့်ဆက်စပ်သော အခကြေးငွေအားလုံးကို လူကြီးမင်းဘက်မှပေးချေရမည်။
  3. ကျွန်ုပ်တို့၏ လောင်စာဆီကတ်/စာအုပ် ပျက်နေလျှင် သို့ ပျောက်ဆုံးနေလျှင်သော်လည်းကောင်း၊ သို့မဟုတ် ကျွန်ုပ်တို့၏ လောင်စာဆီကတ်/စာအုပ်ကို လက်ခံသော လောင်စာဆီအရောင်းဆိုင်များမရှိပါက ယာဉ်မောင်းက လောင်စာဆီအတွက်ငွေပေးချေပြီး ကျွန်ုပ်တို့ထံမှ ပြန်လည်တောင်းခံနိုင်သည်။ ပြန်အမ်းငွေရယူရန်အတွက် ယာဉ်မောင်းသည် လောင်စာဆီအတွက် ကျသင့်ငွေ တောင်းခံလွှာကို ခရီးစဉ်မပြီးဆုံးမီ ကျွန်ုပ်တို့၏ Yoma Car Share မိုဘိုင်းအက်ပလီကေးရှင်း Current Reservation ရှိ Fuel Claim မှတဆင့်ပေးပို့ရမည်ဖြစ်သည်။ လောင်စာဆီ ဝယ်ယူမှုကျသင့်ငွေ ပမာဏကို လူကြီးမင်း၏ ငွေတောင်းခံလွှာမှ နှုတ်ယူပေးမည်ဖြစ်သည်။ မိုဘိုင်းအက်ပလီကေးရှင်းမှတဆင့် တင်ပြလာခြင်းမရှိသော လောင်စာဆီတောင်းခံလွှာများ၊ ခရီးပြီးဆုံးပြီးမှ တောင်းခံလာသော လောင်စာဆီတောင်းခံလွှာများကို လက်မခံပါ၊ ပြန်အမ်းပေးမည်မဟုတ်ပါ။
  4. ကားဆီကုန်ကျစရိတ် ပြန်လည်တောင်းခံလွှာများကို ကျွန်ုပ်တို့မှ ငြင်းပယ်နိုင်ပြီး ငြင်းပယ်ရခြင်း အကြောင်းရင်းကို ဖော်ပြရန် ကျွန်ုပ်တို့တွင် တာ၀န်မရှိပါ။
  5. လောင်စာဆီကတ်/စာအုပ် ပျောက်ဆုံးနေကြောင်းကို ကျွန်ုပ်တို့၏ 09YOMAFLEET (09966235338) ထံသို့ အကြောင်းကြားရန် လိုအပ်ပါသည်။

၁၄။ မတော်တဆထိခိုက်မှု၊ ပျက်စီးဆုံးရှုံးမှုနှင့် ခိုးမှု

  1. အကယ်၍ ယာဉ်မောင်းသည် မတော်တဆမှုတစ်ခုခုဖြစ်ခဲ့လျှင် သို့မဟုတ် ကားထိခိုက်ခဲ့လျှင် သို့မဟုတ် ကားခိုးမှုဖြစ်ပွားခဲ့လျှင် ယာဉ်မောင်းသည် အောက်ပါအချက်အလက်များအတိုင်းဆောင်ရွက်ရမည်။
    1. ကျွန်ုပ်တို့၏ 09YOMAFLEET (09966235338) သို့ ချက်ချင်းအကြောင်းကြားပါ။
    2. Yoma Car Share hotline မှ ညွှန်ကြားသည့်အတိုင်းဆောင်ရွက်ပါ။
    3. အကယ်၍ ထိခိုက်မှု၊ မတော်တဆမှုများဖြစ်ပွားခဲ့ပါက -
      1. ထိခိုက်ဒဏ်ရာရရှိမှု တစုံတရာရှိလျှင် သို့မဟုတ် လက်မခံနိုင်သော သဘောထားကွဲလွဲမှု တစုံတရာရှိပါက ကားကို လုံခြုံစွာထားရှိပြီး သက်ဆိုင်ရာရဲကို ချက်ချင်းအကြောင်းကြားပါ။
      2. မတော်တဆမှုတွင် ပါဝင်သော အခြားယာဉ်မောင်းများ၏ ကားမှတ်ပုံတင်၊ အမည်၊ လိပ်စာနှင့် လိုင်စင်နံပါတ်များကို မှတ်သားထားပါ။
      3. မျက်မြင်သက်သေများ၏ အမည်နှင့်လိပ်စာများကို မှတ်သားပါ။
      4. မတော်တဆထိခိုက်မှုနေရာတွင် ကားကိုမရွှေ့မှီ ဓါတ်ပုံများ သေချာစွာရိုက်ပါ။
  2. ယာဉ်မတော်တဆမှုနှင့်ပတ်သက်၍ ကျိုးကြောင်းဆီလျော်သော မည်သည့်တောင်းဆိုမှုများကိုမဆို ကျွန်ုပ်တို့ထံသို့ ၂၄ နာရီအတွင်း ပေးပို့ရမည်။ အထက်ပါအချက်အလက်များကို ချန်လှပ်ထားခြင်းမရှိဘဲ မှန်ကန်စွာဖြည့်စွက်ထားသော ယာဉ်မတော်တဆဖြစ်ပျက်ပုံ အစီရင်ခံစာကို ကျွန်ုပ်တို့ထံသို့ ၂၄ နာရီအတွင်း ပေးပို့ရမည်။ လိုအပ်သည့်အချက်အလက်များကို ၂၄နာရီအတွင်း ပေးပို့ခဲ့ခြင်းမရှိပါက အာမခံရရှိမည်မဟုတ်ပါ။
  3. ယာဉ်မောင်းများအနေဖြင့် မှန်ကန်တိကျသော ထွက်ဆိုချက်များကို ထွက်ဆိုရမည်ဖြစ်ပြီး လိုအပ်ပါက ကျွန်ုပ်တို့နှင့် ပူးပေါင်းဆောင်ရွက်ရမည်။
  4. ယာဉ်မောင်း သို့မဟုတ် အကောင့်ပိုင်ရှင်သည် Yoma Car Share ၏ ကိုယ်စား ပျက်စီးဆုံးရှုံးမှု ပြုပြင်စရိတ်များ လျော်ကြေးများအား ညှိနှိုင်းခြင်း၊ ဆောင်ရွက်ခြင်း၊ ဆုံးဖြတ်ခြင်းများကို တတိယအဖွဲအစည်းအပါအဝင် မည်သူနှင့်မှမဆို ပြုလုပ်ပိုင်ခွင့်မရှိပါ။
    1. အကယ်၍ ယာဉ်မောင်း သို့မဟုတ် အကောင့်ပိုင်ရှင်သည် အထက်ဖေါ်ပြပါ စည်းမျဉ်းစည်းကမ်းကို ဖေါက်ဖျက်ခဲ့ပါက အာမခံရရှိမည် မဟုတ်ပါ။
  5. မတော်တဆဖြစ်ပွားမှု၊ ပျက်စီးဆုံးရှုံးမှု နှင့် ခိုးမှု အာမခံဝါဒများကို ဤစည်းမျဉ်းစည်းကမ်း၏ ပုဒ်မ ၁၉ အာမခံမူဝါဒ တွင် အ‌သေးစိတ်လေ့လာနိုင်သည်။
  6. ယာဉ်မောင်းနှင့် အကောင့်ပိုင်ရှင်သည် ကားမတော်တဆထိခိုက်မှုဖြစ်ပွားပြီး သို့မဟုတ် ပျက်စီးမှုတစ်ခုခုရှိခဲ့သည်ဟု ယူဆရပြီးနောက် Yoma Car Share ကိုထိုမတော်တဆထိခိုက်ဖြစ်ပွားမှုအား အကြောင်းမကြားပဲ မိမိကိုယ်ပိုင် သုံးသတ်ချက်၊ ဆုံးဖြတ်ချက်၊ ယူဆချက်ဖြင့် ကားကို ဆက်လက်သုံးစွဲခွင့်မရှိပါ။
    1. မတော်တဆထိခိုက်မှုအား Yoma Car Share အား အကြောင်းမကြားပဲ ကားကို မိမိကိုယ်ပိုင်ဆုံးဖြတ်ချက်ဖြင့် ဆက်လက်အသုံးပြုနေပါက ကားအာမခံရရှိမည် မဟုတ်ပါ။

၁၅။ ပျက်စီးခြင်း

  1. ကားနှင့်ပတ်သက်သည့် မည်သည့်ပျက်စီးမှုမဆို ကျွန်ုပ်တို့၏ 09YOMAFLEET (09966235338) သို့ ချက်ချင်းအကြောင်းကြားရမည်။ ကားရှိရာသို့ ကျွန်ုပ်တို့ သို့မဟုတ် ကျွန်ုပ်တို့၏ ကိုယ်စားလှယ်မှ အကူအညီပေးရန် လာရောက်မည်ဖြစ်သည်။ လူကြီးမင်းရောက်ရှိနေသည့် တည်နေရာပေါ်မူတည်၍ အကူအညီပေးနိုင်ရန် စောင့်ဆိုင်းရချိန်မှ ကွာခြားနိုင်သည်။ လိုအပ်လာပါက ယာဥ်မောင်းအား အခြားသော သယ်ယူပို့ဆောင်ရေးဖြင့် ခရီးဆက်နိုင်ရန် စီမံပေးမည်ဖြစ်သည်။ သို့သော် ရောက်ရှိနေသော တည်နေရာပေါ်တွင် မူတည်၍ စီမံပေးရမည်ဖြစ်သောကြောင့် အခြားသယ်ယူပို့ဆောင်ရေး ရရှိသည် မရရှိနိုင်သည်ကို အာမ မခံနိုင်ပါ။
  2. အကောင့်ပိုင်ရှင် သို့မဟုတ် ယာဉ်မောင်း ကားမတော်တဆမှုဖြစ်ပွားပြီးနောက် ပျက်ဆီးမှုတစ်စုံတစ်ရာရှိခဲ့ပြီး Yoma Car Share အားအကြောင်းမကြားပဲ ကားကို ဆက်လက်အသုံးပြုနေပါက အကောင့်ပိုင်ရှင် သို့မဟုတ် ယာဉ်မောင်းမှ ကားပြင်ဆင်မှု အခကြေးငွေ မှန်သမျှကို တာဝန်ယူ ဖြေရှင်းရမည်ဖြစ်ပြီး ကားအာမခံမူဝါဒများလည်း ပယ်ပျက်သွားမည်ဖြစ်သည်။
  3. ငှားရမ်းကာလအတွင်း ကားအသုံးပြုမှုကို တားဆီးခြင်း သို့မဟုတ် ကန့်သတ်ခြင်း သို့မဟုတ် လူ၏လုံခြုံမှုကို ထိခိုက်စေနိုင်သည့် ပြဿနာ တစုံတရာပေါ်ပေါက်လာပါက ကျွန်ုပ်တို့၏ 09YOMAFLEET (09966235338) သို့ ချက်ချင်းအကြောင်းကြားပြီး လမ်းစည်းကမ်းများအတိုင်း ကားရပ်နားကာ၊ ကျွန်ုပ်တို့၏ ညွှန်ကြားချက်များနှင့်အညီ ဆောင်ရွက်ရမည်။

၁၆။ ယာဉ်ရပ်နားခြင်းနှင့် ယာဉ်စည်းကမ်းဖောက်​ဖျက်ခြင်းပြစ်မှုများ

  1. ယာဉ်ရပ်နားခြင်းနှင့် ယာဉ်စည်းကမ်းဖောက်ဖျက်ခြင်း ပြစ်ဒဏ်များအပြင် ယာဉ်ရပ်နားခ၊ အရှိန်လွန်မောင်းနှင်ခြင်း ဒဏ်ငွေ၊ ယာဉ်မရပ်ရနေရာတွင် ယာဉ်ရပ်နားခြင်းဒဏ်ငွေ၊ အမြန်လမ်းမကြီးပေါ်တွင် ယာဉ်ရပ်နားခြင်းဒဏ်ငွေနှင့် ယာဉ်ရပ်နားကွင်းများတွင် ယာဉ်ရပ်နားခများနှင့် သက်ဆိုင်သော ကျသင့်ငွေအားလုံးကို လူကြီးမင်းမှပေးဆောင်ရမည်။
  2. ကျွန်ုပ်တို့သည် ယာဉ်ရပ်နားခြင်း သို့မဟုတ် ယာဉ်စည်းကမ်း၊ လမ်းစည်းကမ်း ဖောက်ဖျက်ခြင်းပြစ်မှုဆိုင်ရာ အကြောင်းကြားစာကိုရရှိပါက -
    1. ဒဏ်ကြေးပေးဆောင်ရန်အတွက် ပြစ်မှုဆိုင်ရာအသိပေးစာ ရရှိလာပါက သက်ဆိုင်ရာ ယာဉ်မောင်းသူသည် မည်သူမည်ဝါ ဖြစ်ကြောင်း သက်ဆိုင်ရာ အာဏာပိုင်များကို အသိပေးရန် တာဝန်ရှိသည်။
    2. ဒဏ်ကြေးငွေများ မပေးဆောင်မီ ထိုပြစ်မှုဆိုရာအသိပေးစာကို သက်ဆိုင်ရာ ယာဥ်မောင်းအား လွှဲပြောင်းနိုင်ရန် အခြေအနေရှိပါက Yoma Car Share မှ လွှဲပြောင်းပေးမည်ဖြစ်သည်။
  3. ယာဉ်ရပ်နားခြင်း သို့မဟုတ် ယာဉ်စည်းကမ်းဖောက်ဖျက်ခြင်းပြစ်မှုဆိုင်ရာ အသိပေးစာကို လက်ခံရရှိပြီး ငွေပေးချေမှုမတိုင်မီ ပြစ်မှုဆိုင်ရာ အသိပေးချက်အတွက် တာဝန်ယူမှုကို သက်ဆိုင်ရာယာဉ်မောင်းထံသို့ လွှဲပြောင်းနိုင်ခြင်းမရှိပါက ပြစ်မှုအသိပေးစာ၏ ကုန်ကျစရိတ်အတွက် အကောင့်ပိုင်ရှင် လူကြီးမင်းတွင်တာဝန်ရှိသည်။
  4. အကယ်၍ လူကြီးမင်းသည် ငှားရမ်းအသုံးပြုစဉ်ကာလအတွင်း ယာဥ်ရပ်နားခကောက်ခံသောနေရာ၌ ရပ်နားခြင်းရှိပါက ယာဉ်ရပ်နားခကို လူကြီးမင်းမှ တာဝန်ယူရမည်။
  5. Yoma Car Share မှ ကားများသည် နေ့စဉ်အချိန်ဇယားနှင့် အစီအစဉ်အတိုင်း လည်ပတ်လျက်ရှိနေသောကြောင့် လူကြီးမင်း ကားငှားရမ်းကာလအတွင်းတွင် Yoma Car Share မှကားကို Yoma Car Share rental hub တွင် လာရောက်ကာ ယာဉ်ရပ်နားခွင့်မပြုပါ။ ကားငှားရမ်းကာလအတွင်း rental hub တွင် ကားလာရောက်ရပ်နားခြင်းပြုလုပ်ပါက ထိုကားကို လူကြီးမင်းအားအကြောင်းမကြားပဲ ကျွန်ုပ်တို့မှ rental hub မှ ဖယ်ရှားခွင့်ရှိသည်။ ယာဥ်ရပ်နားနေရာပြောင်းလဲပြီးနောက် ပေါ်ပေါက်လာသည့် ယာဥ်ရပ်နားခများကို အကောင့်ပိုင်ရှင် သို့မဟုတ် ယာဥ်မောင်းမှ တာဝန်ယူရမည်ဖြစ်သည်။

၁၇။ ကားပြန်လည်အပ်နှံခြင်း

  1. ကားအတွင်းပိုင်းနှင့်အပြင်ပိုင်းအခြေအနေ မူလပကတိအနေအထားဖြင့် ကားပြန်အပ်ချိန်အမှီ ပြန်လည်အပ်နှံရမည်ဖြစ်ပြီး လောင်စာဆီပမာဏမှာလည်း အနည်းဆုံးလက်ကျန် လေးပုံတစ်ပုံ ရှိရမည်။
  2. အကယ်၍ ယာဉ်မောင်းသည် ကားကို ငှားရမ်းကာလ ကျော်လွန်၍ ပြန်လည်အပ်နှံပါက အကောင့်ပိုင်ရှင်အနေဖြင့် ကားငှားရမ်းခအပြင် နာရီအလိုက် နောက်ကျကြေးငွေပါ ပေးဆောင်ရမည်။
    1. အကောင့်ပိုင်ရှင်အနေဖြင့် ကြိုတင်ငှားရမ်းကာလကို ရက်ပေါင်း (7)ရက် အထိတိုးမြှင့်နိုင်ပြီး ငှားရမ်းမှုအသစ် မစတင်ဘဲ ထပ်မံ၍ သက်တမ်းမတိုးနိုင်ပါ။ ဤသတ်မှတ်ထားသည့် (7)ရက် ကာလမှာ ပုံသေမဟုတ်ပဲ ကျွန်ုပ်တို့မှ ပြောင်းလဲခွင့်ရှိသည်။
    2. အကောင့်ပိုင်ရှင်၏ ခရီးစဉ်အရ ငှားရမ်းသက်တမ်းတိုးခြင်းကို တစ်ကြိမ်သာ ခွင့်ပြုမည်ဖြစ်ပြီး ငှားရမ်း သက်တမ်းတိုးမြှင့်ရန်အတွက် ကြိုတင်ငှားရမ်းမှု အသစ်ပြုလုပ်ရန်နှင့် ရရှိနိုင်သည့် ယာဉ်အမျိုးအစားကို ပြောင်းလဲရန် ကျွန်ုပ်တို့မှ တောင်းဆိုနိုင်ပါသည်။ ကျွန်ုပ်တို့မှ တစ်ကြိမ်ခရီးစဥ် သက်တမ်းတိုးခွင့်ပေးထားသည်ကို ပြောင်းလဲခွင့်ရှိသည်။
    3. Yoma Car Share ဝက်ဘ်ဆိုဒ် သို့မဟုတ် မိုဘိုင်းအက်ပလီကေးရှင်းတွင် အကောင့်ပိုင်ရှင်မှ မည်ကဲ့သို့ပင် ငှားရမ်းသက်တမ်းထပ်တိုးနိုင်သည်ဖြစ်စေ ကျွန်ုပ်တို့မှ ထိုငှားရမ်းသက်တမ်းတိုးခြင်းကို ပယ်ဖျက်နိုင်ခွင့်ရှိသည်။
    4. ငှားရမ်းသက်တမ်းတိုးမြှင့်ခြင်းအတွက် သက်တမ်းတိုးခသည် အခမဲ့ဖြစ်ပြီး သက်တမ်း တိုးမြှင့်ထားခြင်းမရှိပါက မော်တော်ယာဉ် ပြန်လည်အပ်နှံချိန်အထိ နောက်ကျကြေးငွေအဖြစ် မိနစ် 30 လျှင် MMK 10,000 ကောက်ခံမည် ဖြစ်သည်။ သက်တမ်းတိုးခ အခမဲ့ဖြစ်ခြင်းကို ကျွန်ုပ်တို့မှ အချိန်မရွေးပြောင်းလဲခွင့် ရှိသည်။
    5. သက်တမ်းကြိုတင်တိုးမြှင့်မှုအတွက် ကျွန်ုပ်တို့အနေဖြင့် သင့်လျော်သော မော်တော်ယာဉ်ကို မည်သည့် အချိန်တွင်မဆို အစားထိုးပိုင်ခွင့်ရှိသည်။
    6. လက်ရှိ ငှားရမ်းကာလအား သက်တမ်းတိုးမြှင့်ပါက ကျွန်ုပ်တို့အနေဖြင့် အကောင့်ပိုင်ရှင်အား အပိုစရန်ငွေ ထပ်မံတောင်းပိုင်ခွင့်ရှိသည်။ ထိုစရန်ငွေအား ခရီးပြီးဆုံးသောကာလအတွင် ခရီး၏ ကုန်ကျစရိတ်ပေါ်မူတည်၍ ပြန်လည်ပေးအပ်ခြင်း သို့မဟုတ် ခရီးကုန်ကျစရိတ်နှင့်အညီ ထပ်မံကောက်ခံနိုင်သည်။
  3. ငှားရမ်းကာလအဆုံးသတ်ပြီးနောက် ယာဉ်မောင်းများသည် ယာဉ်မှမထွက်ခွါမီ ကားတံခါးများအားလုံး သော့ပိတ်ထားရန် သေချာစစ်ဆေးရမည်။ အကယ်၍ ငှားရမ်းကာလအဆုံးသတ်တွင် ယာဉ်မောင်းသူမှ ကားတံခါး မပိတ်ထားမိသောကြောင့် ဖြစ်ပေါ်လာသော ပျက်စီးဆုံးရှံးခြင်းများအတွက် ကုန်ကျစရိတ်များကို ကျွန်ုပ်တို့မှတောင်းခံနိုင်သည်။
  4. အကယ်၍ ကား၏သန့်ရှင်းရေးအခြေအနေသည် နောက်လူဆက်လက်အသုံးပြုရန် မသင့်လျော်သည့်အနေအထားတွင် ရှိပါက လိုအပ်သော သန့်ရှင်းရေးခကျသင့်ငွေကို လူကြီးမင်းမှ ကျခံရမည်။ အလွန်အကျူး မသန့်ရှင်းစွာဖြင့် ကျွန်ုပ်တို့ကားများကို ငှားရမ်းအသုံးပြုသော အကောင့်ပိုင်ရှင်များအား အဖွဲ့ဝင်အဖြစ်မှ ရပ်ဆဲခွင့်ရှိသည်။
  5. ယာဉ်မောင်းများသည် ငှားရမ်းကာလအဆုံးတွင် သတ်မှတ်ထားသော အချက်အချာနေရာသို့ ကားကို ပြန်လည်အပ်နှံရန် တာဝန်ရှိသည်။ အကယ်၍ ယာဉ်မောင်းသည် အခြားမည်သည့်နေရာတွင်မဆို ကားရပ်ရန် ဖိအားပေးခံရပါက ကျွန်ုပ်တို့အား ကား၏ တည်နေရာအတိအကျကို ဖုန်းဖြင့်ချက်ချင်း အကြောင်းကြားရမည်။ ငှားရမ်းကာလအတွင်း ယာဉ်မောင်းများသည် ကားများကို တရားဝင်ကားရပ်နားရန်နေရာ၌သာ ရပ်နားရမည်ဖြစ်ပြီး အခကြေးငွေပေးဆောင်ရသော ကားရပ်နားရန် နေရာအတွက် ကျသင့်သော မည်သည့်ယာဉ်ရပ်နားခကိုမဆို ပေးဆောင်ရမည်။ အကယ်၍ ကျွန်ုပ်တို့ သို့မဟုတ် ယာဉ်မောင်းများမှ တရားမဝင်ယာဉ်ရပ်နားခြင်းနှင့် ပတ်သက်၍ ကားရပ်နားခြင်းဆိုင်ရာ အသိပေးစာကိုရရှိပါက လူကြီးမင်းမှ တာဝန်ယူဖြေရှင်းရမည်။
  6. ယာဉ်မောင်းသူများသည် ငှားရမ်းအသုံးပြုကာလမပြီးဆုံးမီ ကား၏ မီးသီးနှင့် ဆက်စပ်ပစ္စည်းများ အားလုံး၏ လုပ်ဆောင်မှု အားလုံးကို ပိတ်ထားရမည်ဖြစ်သည်။ အကယ်၍ ကား၏ဘက်ထရီကို အသုံးပြုသော လုပ်ဆောင်ချက်တစ်ခု သို့မဟုတ် တစ်ခုထက် ပို၍ပွင့်နေသောကြောင့် ဖြစ်ပေါ်လာသည့် ပြင်ဆင်စရိတ်အတွက် ကုန်ကျငွေကို လူကြီးမင်းထံမှ ကျွန်ုပ်တို့က တောင်းခံနိုင်သည်။
  7. ယာဉ်မောင်းသူများသည် ကားကို စတင်ငှားရမ်းသည့်အနေအထားတိုင်းပြန်အပ်နှံရမည်။ ထိခိုက်မှုဒဏ်ရာများ၊ ကားအတွင်းရှိ ပစ္စည်းများ ဥပမာ ကားထိုင်ခုံ၊ ကားခါးပတ်၊ ကြမ်းခင်း၊ တာယာအပိုနှင့်ပစ္စည်းများကို ယူဆောင် ဖယ်ထုတ်ခြင်းမပြုရ။ ကျွန်ုပ်တို့မှ ကားတွင်ထည့်ထားသည် အခြားသောပစ္စည်းများဖြစ်သည့် မီးသတ်ဆေးဗူး၊ ဆေးအိတ်၊ မိုဘိုင်းဖုန်းအားသွင်းကြိုး၊ ထီး၊ လက်သန့်ဆေးဗူး၊ နှင့် Starter Pack တွင်ပါရှိသည့် ကားလိုင်စင်၊ ဘီးခွန်၊ ဆီကဒ် သို့မဟုတ် ဆီစာအုပ် နှင့် အခြားသော စာရွက်စာတမ်းများ၊ ကားအတွင်းပိုင်း သို့မဟုတ် အပြင်ဘက်ပိုင်းတွင် ကပ်ထားသော ကျွန်ုပ်တို့၏ တံဆိပ်အမှတ်အသား စတစ်ကာများအား ပယ်ဖျက်ခြင်း၊ ဖျက်စီးခြင်းများမပြုရ။ ဖေါ်ပြထားသော ပစ္စည်းများအား နဂိုမူလအတိုင်းပြန်အပ်နှံခြင်းမရှိပါက ကျွန်ုပ်တို့မှ ယာဉ်မောင်းအားဖြစ်စေ အကောင့်ပိုင်ရှင်အားဖြစ်စေ သက်ဆိုင်ရာ ပုဂ္ဂိုလ်အား ဒဏ်ကြေးငွေကောက်ခံခွင့်ရှိသည်။
  8. ငှားရမ်းကာလအဆုံး၌ ကားထဲ၌ မည်သည့်ပစ္စည်းမှ မကျန်ရှိစေရန် ယာဉ်မောင်းများမှ စစ်ဆေးရမည်။ မည်သည့် ကျန်ရှိပစ္စည်းမဆို ကျွန်ုပ်တို့မှ တာဝန်မယူပါ။ အကယ်၍ ကားသန့်ရှင်းရေးပြုလုပ်နေစဉ်အတွင်း ပစ္စည်းတစုံတရာတွေ့ရှိပါက ပစ္စည်းအားလုံးကို လှူဒါန်းခြင်း စွန့်လွှတ်ခြင်းများ ပြုလုပ်သွားမည်ဖြစ်သည်။
  9. အကယ်၍ ယာဉ်မောင်းသည် ငှားရမ်းကာလပြီးနောက် ကျန်ရှိသည့် ပစ္စည်းများကို ပြန်လည်ရယူလိုပါက သော့မဲ့စနစ်ကို ရယူရန် ကျွန်ုပ်တို့၏ Yoma Car Share 09YOMAFLEET (09966235338) သို့ ဖုန်းခေါ်ဆိုနိုင်ပါသည် ။
  10. အဖွဲ့ဝင်မှ ကားအပ်နှံချိန် ကျော်လွန်ပြီးနောက် Yoma Car Share ကို အကြောင်းကြား၍သော်လည်းကောင်း အကြောင်းမကြား၍သော်လည်းကောင်း ကားကို ဆက်လက် အသုံးပြုနေပြီး Yoma Car Share မှဆက်သွယ်သော ဖုန်းခေါ်ဆိုမှုများကို ဖြေဆိုမှုမရှိခြင်း သို့မဟုတ် ဖုန်းဖြေဆိုပြီး သတ်မှတ်ထားသည့် ကားပြန်အပ်ရန်နေရာသို့ ကားအပ်နှံချိန် ကျော်လွန်ပြီးနောက် ဆက်လက် သုံးစွဲနေခြင်းတို့ကို ပြုလုပ်ပါက
    1. ကားခိုးယူခံရခြင်းဟုယူဆပြီး သက်ဆိုင်ရာရဲဌာနသို့ အကြောင်းကြားမည် ဖြစ်သည်။
    2. ကျွန်ုပ်တို့သည် ယာဉ်မောင်း သို့မဟုတ် အဖွဲ့ဝင်အား အကြောင်းကြားခြင်းမရှိဘဲ အကောင့်ရပ်ဆိုင်းခြင်းပြုလုပ်ကာ ကားအသုံးပြုခွင့်ကို ပယ်ဖျက်မည်ဖြစ်သည်။
    3. ကားကို ထိန်းသိမ်းထားသည့် အချိန်ကာလတစ်ခုလုံး သို့မဟုတ် ကားကို ပြန်လည်ရယူသည့် အချိန်ကာလအထိ ကျွန်ုပ်တို့မှ စောင့်ဆိုင်းရသည့် ဆုံးရှုံးမှုအတွက် ယာဉ်မောင်းသူထံမှ ကားငှားခနှင့် စရိတ်များတောင်းခံမည်။
    4. ကျွန်ုပ်တို့သည် ယာဥ်မောင်း သို့မဟုတ် အဖွဲ့ဝင်အား အကြောင်းကြားခြင်း မပြုလုပ်ပဲ ကားထဲတွင်ကျန်ရှိသော မည်သည့်ပစ္စည်းကိုမဆို စွန့်ပစ်ခြင်း၊ ကားကိုပြန်လည်ရယူခြင်းများပြုလုပ်ပြီး၊ လူကြီးမင်း၏ Yoma Car Share အကောင့်ကို ပိတ်သိမ်းကာ အခကြေးငွေနှင့် ဒဏ်ငွေပေးချေမှုများ ပေးဆောင်ရန် ချက်ချင်းဆောင်ရွက်ခွင့်ရှိသည်။
    5. ကျွန်ုပ်တို့မှ ကားပြန်လည်ရယူနိုင်ရန်အတွက် အကောင့်ပိုင်ရှင်၊ အဖွဲ့ဝင်နှင့် ယာဥ်မောင်းတို့၏ အမည်နှင့် ကိုယ်ရေးကိုယ်တာ အချက်အလက်များကို အများပြည်သူများသိရှိနိုင်သည့် သတင်းစာ သို့မဟုတ် အင်တာနက်နှင့် လူမှုကွန်ရက်များမှ ထုတ်ဖေါ်ကြေငြာခွင့်ရှိသည်။ ထိုသို့ကြေငြာရာတွင် လူကြီးမင်းမှ ကားပြန်အပ်ရန် သဘောတူညီထားသည့်ချိန်တွင် ပြန်လည်အပ်ရောက်ခြင်းမရှိပဲ လူကြီးမင်းထံ ဆက်သွယ်မှုမရရှိခြင်း သဘောတူညီထားသည့်ချိန်တွင် ပြန်လည်အပ်ရောက်ခြင်းမရှိပဲ လူကြီးမင်းထံ ဆက်သွယ်မှုမရရှိခြင်း သို့မဟုတ် ကျွန်ုပ်တို့မှ လူကြီးမင်းအား ဖုန်းဆက်သွယ်ပြောဆိုသော်လည်း ကျွန်ုပ်တို့ ကားအား ပြန်အပ်ရန် ငြင်းဆိုခြင်းကြောင့် ကြေငြာရခြင်း ဖြစ်ပြီး လူကြီးမင်းမှ ဆက်သွယ်ရေးဥပဒေ (၆၆ ဃ) ဖြင့် ကျွန်ုပ်တို့အား တရားပြန်လည်ဆွဲဆိုခြင်းပြုလုပ်မည်မဟုတ်ကြောင်း သဘောတူညီသည်။ လူကြီးမင်း၏ အချက်အလက်များ ထုတ်ပြန်ကြေငြာခွင့်ကို လူကြီးမင်းမှ သဘောတူထားသည်ဟု ကျွန်ုပ်တို့ယူဆမည်ဖြစ်သည်။
    6. ကျွန်ုပ်တို့မှ လူကြီးမင်း၏ အကောင့်၊ ယာဥ်မောင်းများ၏ အကောင့်များအား ပယ်ဖျက်ခွင့်၊ ပိတ်သိမ်းခွင့်ရှိသည်။
    7. ကျွန်ုပ်တို့မှ လူကြီးမင်း၏ အချက်အလက်များ၊ စည်းကမ်းဖောက်ဖျက်မှုများ၊ ကားငှားရမ်းမှုမှတ်တမ်းများအား ကျွန်ုပ်တို့၏ ဆက်စပ်ကုမ္ပဏီများဖြစ်သည့် ရိုးမအဖွဲ့အား အကြောင်းကြားခွင့်၊ သတင်းအချက်အလက် မျှဝေခွင့်ရှိသည်ကို လူကြီးမင်းမှ သဘောတူညီသည်။
  11. ကျွန်ုပ်တို့၏ ကားပြန်လည်ပိုင်ဆိုင်ရေးနှင့် ပြန်လည်ရရှိရေးအတွက် တတိယအဖွဲ့အစည်းမှ တောင်းဆိုမှုများရှိလာခဲ့ပါက ထိုတောင်းဆိုမှုများကို လူကြီးမင်းမှ တာဝန်ယူကာ လျော်ကြေးပေးဆောင်ရမည်ဖြစ်သည်။

၁၈။ သတ်မှတ်နှုန်းထားများ

  1. လက်ရှိအစီအစဉ်များနှင့် သတ်မှတ်နှုန်းထားများအကြောင်းကို ကျွန်ုပ်တို့၏ဝက်ဘ်ဆိုဒ်နှင့် မိုဘိုင်းအက်ပလီကေးရှင်းတွင် သိရှိနိုင်သည်။ ကျွန်ုပ်တို့သည် ကျွန်ုပ်တို့ကားငှားရာတွင် မည်သည့်ဈေးနှုန်းကိုမဆို ကြိုတင်အသိပေးခြင်းများမပြုလုပ်ပဲ ပြောင်းလဲနိုင်ခွင့်ရှိသည်။
  2. ယာဉ်မောင်း အားလုံးအသုံးပြုသော နာရီလိုက်အသုံးပြုနှုန်း၊ နေ့စဉ်အသုံးပြုနှုန်း၊ ကီလိုမီတာနှုန်းနှင့် အခြားကျသင့်သည့်နှုန်းထားများ စသည့် ကျသင့်ငွေအားလုံးကို လူကြီးမင်းမှ ပေးဆောင်ရမည်ဖြစ်သည်။ နာရီလိုက်အသုံးပြုနှုန်း၊ နေ့စဉ်အသုံးပြုနှုန်းနှင့် ကီလိုမီတာနှုန်းထားတို့သည် လူကြီးမင်း၏ ကြိုတင်ငှားရမ်းကာလနှင့် ငှားရမ်းသော ယာဉ်အမျိုးအစားပေါ်တွင်မူတည်သည်။
  3. စျေးနှုန်းများသည် အချိန်နှင့်အမျှပြောင်းလဲနိုင်ပြီး ငှားရမ်းခြင်း အတည်ပြု သဘောတူညီချက်ပေါ်ရှိ ဈေးနှုန်းသည် နောက်ဆုံးဈေးနှုန်းဖြစ်ပြီး ညှိနှိုင်း၍မရပါ။ နောက်ဆုံးပေါ် သတ်မှတ်နှုန်းထားအချက်အလက်များအားလုံးကို ကျွန်ုပ်တို့၏ ဝက်ဘ်ဆိုက် www.yomacarshare.com သို့မဟုတ် မိုဘိုင်းအက်ပလီကေးရှင်း တွင်ရရှိနိုင်သည်။
  4. Yoma Car Share ၏ ကားငှားရမ်းခ ဈေးနှုန်းသတ်မှတ်ချက်သည် အဖွဲ့ဝင်များ ကားငှားရမ်းသည့် အချိန်နှင့် ငှားရမ်းသည့် စုစုပေါင်းရက်ပေါင်း အပေါ်တွင် မူတည်ပီး ပြောင်းလဲသည်။ ကားငှားရမ်းမှုကာလ များလျှင် ဈေးနှုန်း သည်လဲ ပိုမို သက်သာသည်။ သို့သော် အဖွဲ့ဝင်မှ မူလကားငှားရမ်းကာလထက် စောလျင်စွာ ပြန်အပ်သောအခါ ဈေးနှုန်းသည် ယခင် ကားကြိုတင်ငှားရမ်းစဥ်က ခန့်မှန်းငှားရမ်းခ ကုန်ကျစရိတ်ထက် မြင့်တက်သွားမည် ဖြစ်သည်။ ထိုကဲ့သို့သော စျေးနှုန်းအပြောင်းအလဲများအတွက် Yoma Car Share သည် ယခင် ကားကြိုတင်ငှားရမ်းစဥ်က ခန့်မှန်းငှားရမ်းခ ကုန်ကျစရိတ်နှင့် လိုက်လျောညီထွေဖြစ်စေရန် စျေးနှုန်းလျှော့ပေးခြင်း နှင် စျေးညှိနှိုင်းခြင်းများ လုပ်ဆောင်ပေးရန် တာ၀န်မရှိပါ။ ဈေးနှုန်းသတ်မှတ်ချက်များအတွက် ပိုမိုသိရှိလိုပါက ကျွန်ုပ်တို့၏ ၀က်ဘ်ဆိုက် နှင့် မိုဘိုင်း အက်ပလီကေးရှင်း သို့မဟုတ် Hotline နံပါတ်သို့ စုံစမ်းနိုင်ပါသည်။
  5. ကျွန်ုပ်တို့သည် ရံဖန်ရံခါ အထူးဈေးနှုန်းများကို ပေးနိုင်ပါသည်။ သတ်မှတ်ချက်များနှင့် စည်းကမ်းချက်များ ပါဝင်သော အထူးကမ်းလှမ်းချက်များကို ကျွန်ုပ်တို့၏ဝက်ဘ်ဆိုက် www.yomacarshare.com သို့မဟုတ် မိုဘိုင်းအက်ပလီကေးရှင်းတွင် ရရှိနိုင်ပါသည်။ မည်သည့်ကမ်းလှမ်းမှု အခြေအနေကိုမဆို သတိပြုရန်နှင့် လိုက်နာရန်မှာ အဖွဲ့ဝင်၏ တာဝန်ဖြစ်သည်။
    1. အကောင့်ပိုင်ရှင်အဖွဲ့ဝင်မှ reservation ပြုလုပ်ချိန်တွင် လက်ရှိ ဈေးလျော့ချပေးသည့် promo code များကို ဖြည့်စွက်အသုံးရမည်ဖြစ်ပြီး ကျွန်ုပ်တို့မှ လူကြီးမင်းကိုယ်စား ဖြည့်စွက်ရန်တာဝန်မရှိပါ။

၁၉။ ကားအာမခံမူဝါဒ

  1. မြန်မာ ယာဥ်မောင်းလိုင်စင်ကိုင်ဆောင်သူများ
    1. ကားငှားရမ်းထားစဉ် မတော်တဆတစ်စုံတစ်ခုဖြစ်ပွားခဲ့ပါက မြန်မာယာဥ်မောင်းလိုင်စင်ကိုင်ဆောင်သူများသည် Yoma Car Share နှင့် ချိတ်ဆက်ထားသည့် ကားအာမခံကုမ္ပဏီများမှ အလုံးစုံ အာမခံကိုရယူနိုင်သည်။
    2. အကယ်၍ ကျွန်ုပ်တို့နှင့် ချိတ်ဆက်ထားသည့် ကားအာမခံကုမ္ပဏီများ၏ မူဝါဒမှ ကားပြုပြင်မှုကျသင့်ငွေနှင့် အခြားသောကျသင့်ငွေများကို တစ်စိတ်တစ်ပိုင်းသာ ကာကွယ်မှုပေးခဲ့ပါက သို့မဟုတ် ကျသင့်ငွေတောင်းခံမှုကို ငြင်းဆန်ခဲ့ပါက လူကြီးမင်းအနေဖြင့် ထိုကားအာမခံကုမ္ပဏီများ မှ အကာကွယ်မပေးသည့် ပေးရန်ငွေများကို အပြည့်အဝ တာဝန်ယူပေးဆောင်ရမည်ဖြစ်သည်။
    3. ယာဥ်မောင်းသို့မဟုတ် အကောင့်ပိုင်ရှင်အဖွဲ့ဝင်၏ အမှားပြစ်မြောက်သည်ဖြစ်စေ မပြစ်မြောက်သည်ဖြစ်စေ အခြားပါဝင်သူအား လျော်ကြေးများပေးဆပ်ရန်ရှိလာပါက ထို ပေးရန်အခကြေးငွေများကို Yoma Car Share မှ တာဝန်ယူမည်မဟုတ်ပါ။ အာမခံ မှ အခြားပါဝင်သူများအား အာမခံပါဝင်မှုပေးနိုင်ခြေရှိသည်။ အကယ်၍ အာမခံ မှ အခြားပါဝင်သူများအား ပေးဆောင်ရမည်များကို တစ်စိတ်တစ်ပိုင်းသာ ပေးလျော်ပေးခြင်း သို့မဟုတ် ကာကွယ်မှုအာမခံပြုလုပ်ပေးခြင်းများ မရှိခဲ့ပါက ထိုအခြားပါဝင်သူများ ကျေနပ်သည်အထိ ပေးလျော်ရမည်မှာ လူကြီးမင်း၏ တာဝန်သာဖြစ်ပြီး ကျွန်ုပ်တို့နှင့် မသက်ဆိုင်ပါ။ ဥပမာ. အခြားပါဝင်သူ၏ သတ်မှတ်ထားသော ကားထိခိုက်မှုပြင်ဆင်စရိတ်သည် အာမခံဘက်မှ အကာအကွယ်ပေးသော ပြင်ဆင်စရိတ်ထက် ပိုမိုကွာဟနေပါက ၎င်းကွာဟနေသော ပြင်ဆင်မှု ကုန်ကျစရိတ်ကို ယာဥ်မောင်း သို့မဟုတ် အကောင့်ပိုင်ရှင်မှ တာဝန်ယူပေးဆောင်ရမည်ဖြစ်သည်။
  2. ကျွန်ုပ်တို့နှင့် ချိတ်ဆက်ထားသော အာမခံကုမ္ပဏီများ၏ အာမခံအကာအကွယ် ရရှိစေရန် လူကြီးမင်းမှ မတော်တဆဖြစ်ပွားမှု၊ ထိခိုက်မှု၊ ကား၏အစိတ်အပိုင်းများခိုးယူခံရမှု အစရှိသည်တို့အား ကြုံတွေ့ရပါက ကျွန်ုပ်တို့အား ချက်ချင်းအကြောင်းကြားမှု ပြုလုပ်ရမည်ဖြစ်သည်။ အကြောင်းကြားရန် ပျက်ကွက်ခဲ့သော သို့မဟုတ် နှောက်နှေးခဲ့သော မတော်တဆမှုများအတွက် လူကြီးမင်းသည် မည်သည့်အာမခံမှ ရရှိမည်မဟုတ်ပါ။
  3. ကျွန်ုပ်တို့နှင့် ချိတ်ဆက်ထားသော အာမခံကုမ္ပဏီများသည် ကားခိုးယူခံရမှုနှင့် စစ်ဘေးအန္တရာယ်များအား အကာအကွယ်မပေးပါ။ ကားခိုးယူခံရမှု နှင့် စစ်ဘေးကြောင့် ဖြစ်ပေါ်လာသည့် ဆုံးရှုံးမှုများကို လူကြီးမင်းမှ အပြည့်အဝတာဝန်ယူကာ ကျွန်ုပ်တို့ သတ်မှတ်သည့် ကားတန်ဖိုးအတိုင်း သို့မဟုတ် ကာလပေါက်စျေးအတိုင်း ပေးလျော်ရမည်ဖြစ်သည်။
  4. ကြီးမားသော မတော်တဆမှု ကြောင့် ကားသည် အလုံးစုံ ပြင်ဆင်၍မရတော့သည့် ပျက်စီးဆုံးရှုံးမှု အခြေအနေမျိုးတွင် လူကြီးမင်းသည် ထိုကားတစ်စီးလုံး၏ ကာလပေါက်ဈေး နှင့် ညီမျှသော လျော်ကြေးငွေ ကို ပေးချေရန် တာဝန်ရှိသည်။ အကယ်၍ အာမခံဘက်မှ လျော်ကြေးငွေသည် ထိုကား၏ ကာလပေါက်စျေး တစ်စိတ်တစ်ပိုင်း ကို ပေးလျော်‌ပါက လူကြီးမင်းသည် ကျန်လျော်ကြေးငွေကို ဆက်လက်ပေးဆောင်ရန် တာဝန်ရှိသည်။
  5. မတော်တဆမှုဖြစ်စေ၊ ကားခိုးမှုဖြစ်စေ လူကြီးမင်းမှ ကျွန်ုပ်တို့အား တိကျမှန်ကန်သော အချက်အလက်များ ပေးရန်မှာ အင်မတန်ပင် အရေးကြီးပြီး မဖြစ်အနေလိုအပ်ချက်ဖြစ်သည်။ လူကြီးမင်းမှ တိကျမှန်ကန်သော အချက်အလက်များ ပေးနိုင်စွမ်းမရှိပါက လူကြီးမင်း၏ ကားအာမခံ ပျက်ပြယ်မည်ဖြစ်သည်။
  6. မတော်တဆ ဖြစ်စဉ်နှင့် ပက်သတ်၍ ကားမောင်းသူ နှင့်/သို့ အကောင့်ပိုင်ရှင် အဖွဲ့၀င်သည် အာမခံအား မှားယွင်းစွာ အကြောင်းကြားမိပြီး အာမခံဘက်မှ ယာဉ်ပြင်ဆင်စရိတ် ကုန်ကျငွေ၏ တစ်စိတ်တစ်ပိုင်းသာ ပေးလျော်ပါက အဖွဲ့ဝင်မှ ကျန်သည့် ပြင်ဆင်စရိတ် လျော်ကြေးငွေကို အပြည့်အဝပေးဆောင်ရန် တာဝန်ရှိသည်။
  7. Yoma Car Share အား အသိမပေးထားသော အပိုယာဥ်မောင်းကြောင့်ဖြစ်စေ၊ Yoma Car Share မှ ခွင့်ပြုချက်မပေးထားသော ထပ်ဆင့် ကားငှားမှုများပြုလုပ်သည့်အခါတွင်ဖြစ်စေ ထိုသူများကြောင့် ဖြစ်ပေါ်လာသည့် မတော်တဆထိခိုက်မှု၊ ကားခိုးမှု၊ ကားပျောက်ဆုံးမှု အစရှိသည့် နစ်နာမှုမှန်သမျှကို ပေးလျော်ရန် တာဝန်မှာ အကောင့်ပိုင်ရှင် အဖွဲ့ဝင်၏ တာဝန်ဖြစ်သည်။
  8. တရားမဝင် အသုံးပြုမှုအတွက် မည်သူမျှ ပျက်စီးဆုံးရှုံးမှု အကာအကွယ်မူဝါဒမျှ ရရှိလိမ့်မည်မဟုတ်ပါ။
  9. ကားအတွင်းရှိ ယာဥ်မောင်းပိုင်ပစ္စည်းများ ခိုးယူခံရခြင်းအတွက် အကာအကွယ်မူဝါဒ မရရှိနိုင်သလို ကိုယ်ရေးကိုယ်တာ မတော်တဆ ထိခိုက်မှုအတွက်လည်း အကာအကွယ်မူဝါဒသည် အကျုံးဝင်မည် မဟုတ်ပါ။
  10. ဖော်ပြပါ ပျက်စီးဆုံးရှုံးမှုကိစ္စရပ်များအတွက် လူကြီးမင်းသည် ကုန်ကျစရိတ်အားလုံးကို ပေးဆောင်ရန်တာဝန်ရှိပြီး မည်သည့် အာမခံမူဝါဒနှင့်မဆို အကျုုံးမဝင်ပါ။
    1. ယာဉ်မောင်းသည် ယာဥ်ထိန်းရဲအရာရှိများ မရောက်လာမီ သို့မဟုတ် မတော်တဆမှုဖြစ်စဉ်အား သက်ဆိုင်ရာ ယာဥ်ထိန်းရဲအရာရှိများထံ မတင်ပြမီ မတော်တဆမှုဖြစ်ပွားရာအရပ်မှ ထွက်ခွာသောကြောင့် ဖြစ်ပေါ်လာသည့် ပျက်စီးဆုံးရှုံးမှု သို့မဟုတ် တခြားအဖွဲ့ဆိုင်ရာ ဆုံးရှုံးမှု
    2. ကလေးသူငယ်ဆိုင်ရာ အကာအကွယ်ပစ္စည်းများ၊ GPS စနစ်နှင့် ကားသော့များအပါအဝင် ကျွန်ုပ်တို့မှ ထောက်ပံ့ပေးသော မည်သည့်အသုံးအဆောင်ပစ္စည်းများအတွက် အစားထိုးခြင်း သို့မဟုတ် ပြန်လည်ပြုပြင်ခြင်းအတွက် ကုန်ကျစရိတ်အဝဝ
    3. မမှန်ကန်သော လောင်စာဆီအမျိုးအစားအား အသုံးပြုသည့်အတွက် ဖြစ်ပေါ်လာသည့် ပျက်စီးဆုံးရှုံးမှု
    4. ယာဉ်မောင်းမှ ယာဉ်စည်းကမ်းများကို ဖောက်ဖျက်ခြင်းကြောင့် ဖြစ်ပေါ်လာသည့် ယာဉ်မတော်တဆမှု
    5. ခွင့်မပြုထားသည့် ယာဉ်မောင်း သို့မဟုတ် ယာဉ်မောင်းလိုင်စင်မရှိသော အဖွဲ့ဝင်ယာဉ်မောင်းကြောင့် ဖြစ်ပေါ်သော မတော်တဆမှု
    6. ယာဉ်မောင်း၏ ပေါ့ဆမှုကြောင့် ဖြစ်ပေါ်သော မတော်တဆမှု
    7. ယာဉ်အောက်ပိုင်း သို့မဟုတ် ယာဉ်ခေါင်မိုး ပျက်စီးဆုံးရှုံးမှုအတွက် ဆုံးရှုံးမှုအကာအကွယ်မူဝါဒသည် အကျုံးဝင်မည် မဟုတ်ပါ
    8. ယာဥ်တိုက် ထွက်ပြေးခြင်း
    9. အရှိန်လွန်မောင်းနှင်ခြင်းကြောင့် ဖြစ်ပေါ်လာသည့် မတော်တဆထိခိုက်မှုနှင့်
    10. မတော်တဆမှုဖြစ်ပြီးချိန်တွင် ကျွန်ုပ်တို့ထံသို့ ချက်ချင်း အကြောင်းမကြားသော မတော်တဆမှု။
    11. ကားခိုးမှု သို့မဟုတ် ကားပျောက်ဆုံးမှု
    12. စစ်ဘေးကြောင့် ကားဆုံးရှုံးမှု၊ မတော်တဆဖြစ်မှု (စာပိုဒ် ၁၂ အပိုဒ်ငယ် ၉.၂ တွင်ဖေါ်ပြထားသည့် မလုံခြုံသော အန္တရာယ်ရှိသော နေရာဒေသများတွင် ကားအသုံးပြုခြင်းဖြင့် မည်သည့် ကားအာမခံမှ ရရှိမည်မဟုတ်ပါ။)
  11. ပြင်ဆင်၍မရသော တာယာပျက်စီးခြင်း
    1. ပြင်ဆင်၍မရသော တာယာပျက်စီးခြင်းဆိုသည်မှာ - တနည်းအားဖြင့် ကားတာယာသည် ၎င်း၏ သက်တမ်းအတိုင်း အသုံးမပြုနိုင်တော့လျှင် ပျက်စီးဆုံးရှုံးမှုအတွက် တာဝန်ရှိသော အကောင့်ပိုင်ရှင်နှင့် အဖွဲ့အစည်းအား ကျွန်ုပ်တို့မှ တောင်းခံပိုင်ခွင့်ရှိသည်။ တာယာနှင့်ပတ်သက်သော ကျွန်ုပ်တို့၏မူဝါဒမှာ လက်ရှိတာယာသည် ကီလိုမီတာ ၄၀,၀၀၀ သက်တမ်းပြည့်သည့်အခါတိုင်း တာယာအသစ် လဲလှယ်ရမည်ဖြစ်သည်။ အစားထိုးမရသော တာယာပျက်စီးခြင်းအတွက် လူကြီးမင်းမှ ပေးဆောင်ရမည့် ငွေပမာဏကို တာယာသက်တမ်းပေါ်မူတည်၍ ကျွန်ုပ်တို့မှ မျှတစွာ တွက်ချက် တောင်းခံပေးမည် ဖြစ်သည်။
  12. Yoma Car Share အဖွဲ့ဝင် (သို့မဟုတ်) အကောင့်ပိုင်ရှင်မှ Yoma Car Share ကားကို ထပ်ဆင့်ငှားရမ်းပြီး Extra Driver (အပိုယာဉ်မောင်း) အဖြစ်ထည့်ကာ အသုံးပြုသောအခါတွင် ဤ ပျက်စီးဆုံးရှုံးမှုမူဝါဒများဖြင့် အကျုံးမဝင်ပါ။ အပိုယာဉ်မောင်းဆိုသည်မှာ အဖွဲ့ဝင် သို့မဟုတ် အကောင့်ပိုင်ရှင်နှင့် အတူအကွ reservation ကာလအတွင်း လိုက်လံကားမောင်းပေးသူသာဖြစ်သည်။ ထိုကဲ့သို့ ထပ်ဆင့်ငှားရမ်းမှုမှဖြစ်ပေါ်လာသော ပျက်စီးဆုံးရှုံးမှုနှင့် ကုန်ကျစရိတ်အဝဝကို တာဝန်ယူရန်မှာ အဖွဲ့ဝင် (သို့မဟုတ်) အကောင့်ပိုင်ရှင်၏ တာဝန်သာဖြစ်သည်။
  13. အကောင့်ပိုင်ရှင်အဖွဲ့ဝင် သို့မဟုတ် ယာဉ်မောင်းမှ Yoma Car Share ကားများဖြင့် မတော်တဆမှု အကြိမ်ကြိမ်ဖြစ်ပွားပါက Yoma Car Share မှ လူကြီးမင်း သို့မဟုတ် ယာဉ်မောင်း၏ Yoma Car Share အကောင့်အား ပိတ်ခြင်း၊ ဖျက်သိမ်းခြင်းများ ပြုလုပ်နိုင်ခွင့်ရှိသည်။
  14. လူကြီးမင်းမှ Yoma Car Share ကားကိုငှားရမ်းအသုံးပြုပြီး မတော်တဆမှုဖြစ်ပွားကာ ထိုမတော်တဆမှုကြောင့် ဖြစ်ပေါ်လာသည့် ပျက်စီးမှုများကို ပြန်လည်ပြုပြင်ချိန်သည် ရက် (၃)ရက်ထပ်ကြာမြင့်မည်ဆိုပါက ကျွန်ုပ်တို့မှ လူကြီးမင်းအား ထိုကား ပြန်လည်ပြုပြင်ပြီးစီးသည်အထိ ကားအငှားခများ ကောက်ခံခွင့်ရှိသည်။ မတော်တဆမှုသည် တတိယလူပုဂ္ဂိုလ်ကြောင့် ဖြစ်ခဲ့လျှင် အဖွဲ့ဝင်သည် ၎င်းကားပြင်ဆင်မှု နေ့ရက်များ၏ ကားငှားရမ်းခကို ထိုပုဂ္ဂိုလ်ထံမှ ညှိနှိုင်း တောင်းခံနိုင်သည်။ Yoma Car Share သည် ကားပြင်ဆင်နေစဥ်ကာလအတွင်း အဖွဲ့ဝင် သို့မဟုတ် တတိယလူပုဂ္ဂိုလ်ကြောင့် ဖြစ်သော ကားငှားရမ်းခကို ညှိနှိုင်းလျှော့ပေါ့ပေးရန် တာ၀န်မရှိပါ။
  15. လူကြီးမင်း ကားငှားရမ်းကာလမကုန်ဆုံးမှီ မတော်တဆဖြစ်ပွားမှုကြောင့် ကားဆက်လက်သုံးစွဲနိုင်မှုမရှိဖြစ်ပါက Yoma Car Share မှ လူကြီးမင်း၏ ကားငှားရမ်းမှုကို ပြီးဆုံးခွင့်ရှိသည်။ အစားထိုးကားပေးမှုသည် Yoma Car Share ၏ ဆုံးဖြတ်ချက်ဖြစ်ပြီး လူကြီးမင်းမှ အစားထိုးကား တောင်းခံခွင့်မရှိပါ။
  16. မတော်တဆဖြစ်မှုကြောင့် ကားဆက်လက်အသုံးပြုမရသည့် အခြေအနေရောက်ရှိလာပါက ခရီးဆက်သွားရန် သွားရေးလာရေးအတွက် အခြားသယ်ယူပို့ဆောင်ရေး စီစဉ်ရန်လိုအပ်လာပါ ဤတာဝန်သည် လူကြီးမင်းနှင့်သာ သက်ဆိုင်ပြီး ကျွန်ုပ်တို့နှင့်မသက်ဆိုင်ပါ။ ကျွန်ုပ်တို့မှ မည်သည့်သယ်ယူပို့ဆောင်ခမှ ပေးရန်တာဝန်မရှိပါ။

၂၀။ ကျသင့်ငွေတောင်းခံခြင်း

  1. ကျွန်ုပ်တို့၏ ဝန်ဆောင်မှုနှင့်ပတ်သက်သည့် မည်သည့်အသုံးပြုခြင်းအတွက်မဆို ငွေပေးချေမှုအတွက် လူကြီးမင်းတွင် တာဝန်ရှိသည်။ ထိုအခကြေးငွေ ပေးချေမှုနည်းလမ်းသည် Yoma Car Share အကောင့်တွင် ထည့်သွင်းထားသော ငွေပေးချေမှုစနစ်များ၊ Yoma Fleet Limited ဘဏ်စာရင်းသို့လည်းကောင်း သို့မဟုတ် ကော်ပိုရိတ်အကောင့် ပေးဆောင်ရမည့် သဘောတူညီချက်အတိုင်း ဖြစ်သည်။
  2. လူကြီးမင်းသည် ပထမဆုံး အဖွဲ့အဖြစ်ဝင်ရောက်ခြင်း (သို့မဟုတ်) Reservation ပြုလုပ်ချိန်တွင် ငွေပေးချေမှုအတွက် လူကြီးမင်း၏ ဒက်ဘစ်ကတ် သို့မဟုတ် ခရက်ဒစ်ကတ် အချက်အလက်များကို ကျွန်ုပ်တို့ထံပေးခဲ့သည်။ ကတ်၏ အသေးစိတ်အချက်အလက်များ အပြောင်းအလဲရှိပါက ကျွန်ုပ်တို့အား ချက်ချင်းအကြောင်းကြားရမည်။ ငှားရမ်းမှုမစတင်မီ လူကြီးမင်း၏ ငွေပေးချေကတ်ကို ကျွန်ုပ်တို့မှ ခွင့်ပြုချက် သို့မဟုတ် ဆောင်ရွက်ချက် မရရှိနိုင်ပါက လူကြီးမင်း၏ Reservation သည်အလိုအလျောက် ပယ်ပျက်မည်ဖြစ်သည်။
  3. လူကြီးမင်း၏ ငွေပေးချေမှုအသေးစိတ်ကို ကျွန်ုပ်တို့အား ပေးခြင်းသည် ကားငှားခအပြင် အခြားကျသင့်သော ဝန်ဆောင်ခအားလုံးကို လူကြီးမင်း၏ကတ်မှ နှုတ်ယူခွင့်ပြုရန် လူကြီးမင်းမှ သဘောတူခြင်းဖြစ်သည်။
  4. Debit သို့မဟုတ် Credit Card ဖြင့် ကားငှားရမ်းပါက ထိုကတ်များ အလုပ်လုပ်ဆောင်မှုစစ်ဆေးရန် ကျွန်ုပ်တို့မှ ကျပ်ငွေ ၃၀၀၀ ကျပ် ကောက်ယူမည်ဖြစ်သည်။ ထို ကျပ် ၃၀၀၀ ကို လူကြီးမင်း၏ ကတ်သို့ ၂၄ နာရီအတွင်း ပြန်အမ်းပေးမည်ဖြစ်သည်။ အကယ်ဤ ကျပ် ၃၀၀၀ ဖြတ်ယူမရပါက လူကြီးမင်းသည် ထိုကတ်ဖြင့် ကျွန်ုပ်တို့ထံတွင် ကားငှားရန် reservation တင်နိုင်မည်မဟုတ်ပါ။
  5. ကဒ်အတည်ပြုငွေပြန်လည်လက်ခံရရှိမှုသည် လူကြီးမင်း၏ ဘဏ်၊ ငွေပေးချေမှု စနစ် သို့မဟုတ် ကဒ် ဌာန၏ဆုံးဖြတ်ချက်ဖြစ်ပြီး ပြန်အမ်းငွေကို လူကြီးမင်း၏ ဘဏ်စာရင်းသို့ မည်သည့်နေ့ရက်တွင် ပြန်လည်ပေးသွင်းမည်နှင့် ပြန်အမ်းငွေရရန်နှောင့်နှေးမှုများသည် ကျွန်ုပ်တို့နှင့် မသက်ဆိုင်ပါ၊ တာဝန်မယူပါ။ ထိုကြန့်ကြာမှုများသည် လူကြီးမင်း၏ ဘဏ်နှင့် ကဒ် ဌာနတို့တွင်သာ တာဝန်ရှိသည်။
  6. ခရက်ဒစ်ကတ်ကိုင်ဆောင်သူများအတွက် ငှားရမ်းခြင်းမတိုင်မီ 4 မိနစ်အလိုတွင် စရံငွေပမာဏ MMK 600,000 နှင့်အတူ ခရီးစဉ် ခန့်မှန်းကျသင့်ငွေကို လူကြီးမင်း၏ ခရက်ဒစ်ကတ်မှ ကြိုတင်နှုတ်ယူပိုင်ခွင့်ရှိပြီး ဒက်ဘစ်ကတ်ကိုင်ဆောင်သူများအနေဖြင့် စရံငွေနှင့် ခန့်မှန်းကျသင့်ငွေကို ငွေပေးငွေယူစနစ်ဖြင့် ပေးချေနိုင်သည်။ Mobile Wallet ဖြင့်ငွေပေးချေသူများသည် Reservation ပြုလုပ်ချိန်တွင် စရန်ငွေနှင့် ခန့်မှန်းကျသင့်ငွေကိုပေးချေရမည်။ လူကြီးမင်း၏ Reservation အတည်ပြုချက်ကို လက်ခံရရှိပြီးမှာသာ ငှားရမ်းမှု အောင်မြင်မည်ဖြစ်သည်။ လူကြီးမင်း၏ ငွေပေးချေကတ်သည် ငွေပေးချေရန်ဆောင်ရွက်မှုကို ငြင်းဆန်ပါက လူကြီးမင်းအား အကြောင်းကြားပါမည်။ ကော်ပိုရိတ်အဖွဲ့ဝင်များအတွက် သက်ဆိုင်ရာလူကြီးမင်းမှ ကြိုတင်ငှားရမ်းခြင်း ကိစ္စရပ်အား အတည်ပြုပိုင်ခွင့် သို့မဟုတ် ငြင်းပယ်ပိုင်ခွင့်ရှိသည် - ကော်ပိုရိတ် ကားငှားမှုတွင် စရန်ငွေသွင်းရန်မလိုအပ်ပါ။
  7. လူကြီးမင်းမှ ကျွန်ုပ်ထံသို့ ပေးပို့သည့် ငွေပေးချေမှုနည်းလမ်းကို ကတ်ထုတ်ပေးသူ သို့မဟုတ် ဘဏ် သို့မဟုတ် Mobile Wallet မှ ငြင်းပယ်ထားခြင်းခံရခြင်း သို့မဟုတ် ကော်ပိုရိတ်အကောင့်သည် ငွေတောင်းခံလွှာပေါ်တွင်ပါရှိသော နေ့စွဲအတိုင်း ငွေပေးချေမှုမပြုခြင်း များ ဖြစ်ပွားလာပါက ကျွန်ုပ်တို့သည် လူကြီးမင်းနှင့် သက်ဆိုင်သောယာဉ်မောင်းများ၊ အကောင့်ပိုင်ရှင်များအား ကျွန်ုပ်တို့၏ ဆုံးဖြတ်ချက်ဖြင့် ငွေပေးချေမှုကို လက်ခံရရှိသည်အထိ ရပ်ဆိုင်းနိုင်သည် သို့မဟုတ် ဖျက်သိမ်းနိုင်သည်။
  8. ငွေပေးချေမှုနည်းလမ်း၊ ကတ် သို့မဟုတ် ဘဏ်အကောင့်နံပါတ်တို့အား ကတ်ထုတ်ပေးသူ သို့မဟုတ် ဘဏ် သို့မဟုတ် ငွေပေးချေမှုပလက်ဖောင်းမှ ငြင်းဆိုခြင်းခံရသော ၊ အကောင့်ပိုင်ရှင်များနှင့် ယာဉ်မောင်းများအားလုံး၏ ကားအသုံးပြုခွင့်နှင့် Yoma Car Share အကောင့်အသုံးပြုခွင့်များကို ငွေပေးချေမှုအပြည့်အဝ လက်ခံရရှိသည်အထိ ဆိုင်းငံ့ထားမည်ဖြစ်သည်။ အကယ်၍ ကော်ပိုရိတ်အကောင့်ပိုင်ရှင်သည် ခွင့်ပြုထားသော ချေးငွေရက်အတွင်း လက်ကျန်ငွေပေးချေမှုကို အပြည့်အဝမပေးချေနိုင်ပါက ပေးချေမှုမပြုလုပ်မချင်း ကျွန်ုပ်တို့သည် ကော်ပိုရိတ်အကောင့်ရှိ ယာဉ်မောင်းများအားလုံးကို ဆိုင်းငံ့ပိုင်ခွင့်ရှိသည်။ ထို့အပြင် ကော်ပိုရိတ်အကောင့်အနေဖြင့် ငွေပေးချေမှုနောက်ကျသည့်အတွက် Yoma Car Share မှ ဒဏ်ကြေးကောက်ခံခွင့်ရှိသည်။
  9. အကယ်၍ လူကြီးမင်း၏ ကျန်ရှိနေသေးသော လက်ကျန်ငွေကျန်ရှိနေလျှင် သို့မဟုတ် ပေးချေရန်နောက်ကျနေလျှင်၊ နောင်တွင် ကျွန်ုပ်တို့ သို့မဟုတ် ကျွန်ုပ်တို့နှင့်သက်ဆိုင်သောအဖွဲ့အစည်းများမှ မည်သည့်မော်တော်ယာဉ်များကိုမဆို ငှားရမ်းရန် လူကြီးမင်း ၏ ငှားရမ်းနိုင်စွမ်းကို အကျိုးသက်ရောက်နိုင်မည်ဖြစ်သည်။
  10. ငှားရမ်းမှုတိုင်း၏အဆုံးတွင် ကျွန်ုပ်တို့သည် ကားငှားရမ်းခ၊ ကီလိုမီတာနှုန်းထား ကျသင့်ငွေပမာဏများနှင့် အပိုထပ်ဆောင်း အခကြေးငွေများအပြင် ပျက်စီးဆုံးရှုံးမှုများနှင့်သက်ဆိုင်သည့် အပိုဆောင်း အခကြေးငွေများအတွက် လူကြီးမင်း၏ ကတ်များနှင့် ငွေစာရင်းမှ ငွေထုတ်ယူမည်ဖြစ်သည်၊ ထုတ်ယူခွင့်ရှိသည်။ ကော်ပိုရိတ်အကောင့် အသုံးပြုသူများအနေဖြင့် ကျွန်ုပ်တို့သည် ကြိုတင်ငှားရမ်းခ၊ ကီလိုမီတာနှုန်းထားကျသင့်ငွေများနှင့် ကြိုတင်ငှားရမ်းကာလအတွင်း ပေါ်ပေါက်လာသော အပိုဆောင်းကုန်ကျစရိတ်များပါဝင်သော ငွေတောင်းခံလွှာများကို ကျွန်ုပ်တို့ပေးပို့ပါမည်။
  11. Yoma Car Share မှ ပေးရန်ကျန်ငွေများကောက်ခံရန် အကောင့်ပိုင်ရှင်၏ နေရပ်လိပ်စာသို့ သွားရောက်ကောက်ခံခွင့်ရှိသည်။
  12. Yoma Car Share မှ ပေးရန်ကျန်ငွေများကောက်ခံနိုင်ရန် အကောင့်ပိုင်ရှင်၏ အရေးပေါ်ဆက်သွယ်ရမည့်ပုဂ္ဂိုလ်(များ)၊ သက်ဆိုင်သော Yoma Car Share အဖွဲ့ဝင်များ၊ စီးပွားရေးအဆက်အနွယ်ပုဂ္ဂိုလ်များအား ဆက်သွယ်နိုင်ခွင့်ရှိသည်။
  13. အကောင့်ပိုင်ရှင်အဖွဲ့ဝင် သို့မဟုတ် ယာဉ်မောင်းမှ Yoma Car Share မှ ကားရမ်းကာလအတွင်း ပေါ်ပေါက်ခဲ့သော ယာဉ်စည်းကမ်းလည်းစည်းကမ်းချိုးဖေါက်မှု ဒဏ်ကြေးများ၊ ယာဉ်ရပ်နားခများနှင့် အခြားသော ဒဏ်ကြေးငွေများ ကားငှားရမ်းကာလကုန်ဆုံးပြီးနောက်ပိုင်း Yoma Car Share သို့ တစ်စုံတစ်ဦးမှဆက်သွယ်လာကာ တောင်းခံလာပါက Yoma Car Share မှ လူကြီးမင်းအား ဆက်သွယ်ပြီး ထိုဒဏ်ကြေးငွေများ၊ ပေးရန်ကျန်ငွေများကို တောင်းခံခွင့်ရှိသည်။
  14. အကောင့်ပိုင်ရှင်နှင့်ယာဉ်မောင်း၏ သဘောတူညီချက်ပါ ငှားရမ်းခြင်းဆိုင်ရာစည်းကမ်းချက်များအရ လူကြီးမင်းမှ အဆိုတင် သွင်းထားသော ငွေပေးချေမှုနည်းလမ်းကို တွက်ချက်ထားသော အခကြေးငွေအားလုံး လက်ဝယ်ရရှိရန် ကျွန်ုပ်တို့မှ တရားဝင်တောင်းပိုင်ခွင့်ရှိသည်။ ၎င်းတို့တွင် ကားခိုးခံရခြင်း၊ ယာဉ်ပျက်စီးခြင်း၊ ယာဉ်ရပ်နားခြင်းနှင့် ယာဉ်ကြောပိတ်ဆို့မှုများအတွက် မည်သည့်ဒဏ်ကြေးနှင့် တရားရုံးကုန်ကျစရိတ်အစရှိသည်တို့ ပါဝင်သည်။
  15. Corporate အကောင့်ပိုင်ရှင်နှင့် ၎င်း၏ယာဉ်မောင်း/အကောင့်အသုံးပြုသူများသည် ပြီးဆုံးသွားသည့် reservation များအတွက် ကျသင့်ငွေပေးချေပြီးကြောင်းကို ထို reservation မှတဆင့် ငွေပေးချေလွှာဓါတ်ပုံ ပြန်လည်တင်ပြခြင်းအားဖြင့် သက်သေပြရမည်။ ဤကဲ့သို့ ငွေပေးချေလွှာတင်ပြခြင်းမရှိပါက ထို reservation ငွေပေးချေပြီးကြောင်း Yoma Car Share မှ စစ်ဆေးနိုင်မည်မဟုတ်ဘဲ ထို reservation ၏ ငွေပေးချေမှုအခြေအနေကို ပြောင်းလဲနိုင်မည်မဟုတ်ပါ။ ထိုကဲ့သို့ ငွေပေးချေမှုအခြေပြောင်းလဲနိုင်ခြင်းမရှိမှုကြောင့် Corporate အကောင့်သုံးစွဲခွင့်များ ရပ်ဆိုင်းနိုင်ကာ Corporate အကောင့်ပိုင်ရှင်နှင့် ၎င်း၏အကောင့်အသုံးပြုသူများအား Yoma Car Share နှင့်အတူ ၎င်းနှင့်သက်ဆိုင်သည့် မိတ်ဖက်ကုမ္ပဏီများ အကျိုးတူစီးပွားရေးများတွင်ပါ တည်ရှိသည့် Blacklist တွင်ပါဝင်သွားနိုင်သည်။
  16. ငှားရမ်းမှုအခကြေးငွေ၊ ပျက်စီးဆုံးရှံးခြင်း၊ ကားရပ်နားခြင်းနှင့်ယာဉ်ကြောပိတ်ဆို့ခြင်း ဒဏ်ကြေးငွေများအပါအ၀င် Yoma Car Share အား ပေးဆောင်ရမည့် မည်သည့်အခကြေးငွေမဆို သတ်မှတ်ထားသောရက်အတွင်း ပေးဆောင်ရန်ပျက်ကွက်ပါက လူကြီးမင်းတို့အား ကျွန်ုပ်တို့မှ နိုင်ငံပိုင်သတင်းစာ သို့မဟုတ် အွန်လိုင်းမီဒီယာများတွင် ငွေစာရင်းကိုင်ဆောင်ထားသူများမှ ငွေပေးချေမှုကို ပျက်ကွက်ကြောင်းကို အများပြည်သူသိရှိနိုင်စေရန် ကြေငြာပိုင်ခွင့်ရှိသည်။ ဖော်ပြပါ ကြေငြာချက်နှင့်အညီ ကျွန်ုပ်တို့ဘက်မှ အများပြည်သူသို့ လူကြီးမင်း၏ ကိုယ်ရေးကိုယ်တာ အချက်အလက်များဖြစ်သည့် လူကြီးမင်း၏ အမည်၊ မွေးရက်၊ နိုင်ငံသား မှတ်ပုံတင်အမှတ်၊ နိုင်ငံကူးလက်မှတ်နံပါတ်၊ ယာဉ်မောင်းလိုင်စင်နံပါတ်၊ ကုမ္ပဏီမှတ်ပုံတင် နှင့် မှတ်ပုံတင်ထားသော ကုမ္ပဏီ၏ပုံ စံ (၂) အပါအဝင် ကျွန်ုပ်တို့နှင့် အကြွေးတင်သည့် ငွေပမာဏကို အများပြည်သူသို့ ဖော်ပြနိုင်သည်ကို လူကြီးမင်းမှ သဘောတူနားလည်ပြီးဖြစ်သည်။ ထိုကဲ့သို့ အင်တာနက်နှင့် လူမူကွန်ရက်များပေါ်တွင် ကြေငြာမှု ပြုလုပ်ခဲ့ပါက ဤကဲ့သို့ ကြေငြာခွင့်ကို လူကြီးမင်းမှ သဘောထားသည်ဟု ယူဆမည်ဖြစ်ပြီး လူကြီးမင်းမှ ကျွန်ုပ်တို့အား ဆက်သွယ်ရေးဥပဒေပုဒ်မ ၆၆(ဃ)ဖြင့် တရားစွဲဆိုမည် မဟုတ်ကြောင်း သဘောတူသည်။
  17. အကယ်၍ ကျွန်ုပ်တို့အား ပေးရန်ကျန်ငွေများအား ပေးချေခြင်းမရှိပါက လူကြီးမင်းနှင့် ယာဥ်မောင်းများအား ရိုးမကုမ္ပဏီ အုပ်စုနှင့် မြန်မာနိုင်ငံဗဟိုဘဏ်တို့တွင် အမည်ပျက်စာရင်းတင်သွင်းခွင့်ရှိသည်။ နှင့်အတူ ထိုအကောင့်ပိုင်ရှင်နှင့်ယာဉ်မောင်းများအား Blacklist အမည်ပျက်စာရင်းတွင်ဖေါ်ပြကာ ထိုသူများ၏ ကိုယ်ရေးကိုယ်တာအချက်အလက်များ Yoma Car Share ပေါ်ရှိ အကြွေးစာရင်းများအား နယ်မြေကန့်သတ်မှုမရှိဘဲ မည်သည့်နေရာတွင်မဆို တည်ရှိသည့် အကြွေးတောင်းဝန်ဆောင်မှုများနှင့် အခြား ဘဏ်များ၊ ဘဏ်မဟုတ်သော ဘဏ္ဍာရေးအဖွဲ့အစည်းများအား သတင်းပေးပို့ခြင်း သို့မဟုတ် အချက်အလက်များ မျှဝေခြင်းများပြုလုပ်မည်။

၂၁။ ပြန်အမ်းငွေမူဝါဒ

  1. လူကြီးမင်းသည် ကြိုတင်ငှားရမ်းခ၊ ကားရပ်နားခနှင့် ပြစ်ဒဏ်ကြေးငွေများ အားလုံးကို ပေးဆောင်ပြီး ကားကို ကျွန်ုပ်တို့ထံ ပြန်လည်အပ်နှံပြီးနောက် ၄၈ နာရီအတွင်း ကြိုတင်နှုတ်ယူထားသော စရံငွေ MMK 600,000 အား ပြန်အမ်းမည်ဖြစ်သည်။ အကယ်၍ အငြင်းပွားဖွယ် ကိစ္စတစုံတရာရှိပါက ကျွန်ုပ်တို့သည် စရံငွေကို နှုတ်ယူထားပိုင်ခွင့်ရှိသည်။
  2. ကြိုတင်ငှားရမ်းချိန်ထက် စောလျင်၍ ငှားရမ်းချိန်ကို အဆုံးသတ်ပါက အခြားသော ကောက်ခံရန် ကိစ္စအခြေအနေ များမရှိပါက ကျွန်ုပ်တို့ဘက်မှ ၄၈ နာရီအတွင်း လူကြီးမင်းအား ပိုလျှံသောငွေပမာဏကိုပြန်အမ်းမည်။
  3. ပြန်လည်ငွေလက်ခံရရှိမှုသည် လူကြီးမင်း၏ ဘဏ်၊ ငွေပေးချေမှုပေါ်တယ် သို့မဟုတ် ကတ်ထုတ်ပေးသူ၏ဆုံးဖြတ်ချက်ဖြစ်ပြီး ပြန်အမ်းငွေကို လူကြီးမင်း၏ ဘဏ်စာရင်းသို့ မည်သည့်နေ့ရက်တွင် ပြန်လည်ပေးသွင်းမည်နှင့် ပြန်အမ်းငွေရရန်နှောင့်နှေးမှုများသည် ကျွန်ုပ်တို့ မသက်ဆိုင်ပါ၊ တာဝန်မယူပါ။ ထိုကြန့်ကြာမှုများသည် လူကြီးမင်း၏ ဘဏ်နှင့် ကတ်ထုတ်ပေးသူတို့တွင်သာ တာဝန်ရှိသည်။
  4. ကျွန်ုပ်တို့၏ အခကြေးငွေများသည် မြန်မာကျပ်ငွေဖြင့်သာ ကောက်ခံသည်ဖြစ်ပြီး နိုင်ငံခြားငွေ ဈေးနှုန်းများသည် ကျွန်ုပ်တို့နှင့် မသက်ဆိုင်ပါ။ လူကြီးမင်း၏ ဘဏ်နှင့် ကတ်ထုတ်ပေးသူတို့နှင့်သာ သက်ဆိုင်သည်။

၂၂။ အဖွဲ့ဝင်အကျိုးကျေးဇူးများ

  1. Yoma Car Share မှ ၎င်း၏အဖွဲ့ဝင်များအား အကျိုးကျေးဇူးများစွာဆောင်ရွက်ပေးလျက်ရှိပါသည်။ ထိုအကျိုးကျေးဇူးများ ကားငှားသောအခါတွင် လျှော့ဈေးရရှိနိုင်သော ပရိုမိုကုဒ်၊ ကူပွန်များ၊ အဖွဲ့ဝင်အခွင့်အရေးများနှင့် အဖွဲ့ဝင်ပွိုင့်များဖြစ်ပါသည်။ ဤ အကျိုးကျေးဇူးများအား ပေးဝေခြင်းနှင့်၊ ရုတ်သိမ်းခြင်းတို့ကို အချိန်မရွေး Yoma Car Share ၏ ဆန္ဒအတိုင်း ပြုလုပ်ပိုင်ခွင့်ရှိသည်။
  2. ကြေငြာထားသော ပရိုမိုကုဒ်များကို Reservation ပြုလုပ်သောအခါတွင် ထိုပရိုမိုကုဒ်ကို ဖြည့်စွက်ရမည်မှာ အဖွဲ့ဝင်၏တာဝန်သာဖြစ်သည်။ Reservation ပြုလုပ်ချိန် မဖြည့်စွက်ခဲ့သော ပရိုမိုကုဒ်များကို Yoma Car Share မှ အဖွဲ့ဝင်ကိုယ်စားဖြည့်စွက်ပေးမည်မဟုတ်ပါ။
  3. Yoma Car Share မှ အဖွဲ့ဝင်နှင့်အကောင့်ပိုင်ရှင်များအား ကူပွန်များ ကမ်းလှမ်းသွားမည်ဖြစ်ပြီး ကူပွန်ကမ်းလှမ်းခြင်း မကမ်းလှမ်းခြင်းသည် Yoma Car Share ၏ ဆန္ဒဆုံးဖြတ်ချက်ဖြစ်သည်။
  4. အဖွဲ့ဝင်အခွင့်အရေးဆိုသည်မှာ အဖွဲ့ဝင်အမျိုးအစားပေါ်မူတည်၍ ရရှိနိုင်သော အခွင့်အရေးများဖြစ်ပြီး ထိုအခွင့်အရေးများကို Yoma Car Share မှ အချိန်မရွေး ပယ်ဖျက်ခြင်း၊ ပြောင်းလဲခြင်းများ ပြုလုပ်နိုင်သည်။
  5. ၂၀၂၂ခုနစ် စက်တင်ဘာလမှစတင်ကာ Yoma Car Share တွင် အဖွဲ့ဝင်ပွိုင့်များ ရယူနိုင်သည်။ Reservation ပြီး အောင်မြင်စွာ ငွေပေးချေပြီးပါက reservation ၏ base rate ပေါ်တွင်တွက်ချက်ထားသော အဖွဲ့ဝင်ပွိုင့်များကို ရရှိမည်ဖြစ်သည်။ အခြား အဖွဲ့ဝင်ပွိုင့်ရရှိနိုင်သော နည်းလမ်းများမှာ ပြီးဆုံးခဲ့သည့် reservation ကို သုံးသပ်ချက်ပေးခြင်းနှင့် Yoma Car Share အကောင့်ရှိ အချက်အလက်များ စုံလင်စွာဖြည့်သည့် Profile များဖြစ်သည်။
  6. Yoma Car Share ၏ နည်းပညာစနစ် ချို့ယွန်းမှုကြောင့်ဖြစ်စေ၊ အမှားအယွန်းတစ်ခုကြောင့်ဖြစ်စေ လူကြီးမင်းရရှိသော ပွိုင့်များ မှားယွန်းနေပါက ကျွန်ုပ်တို့မှ လူကြီးမင်းအား အကြောင်းမကြားပဲ ပွိုင့်များကို ပြင်ဆင်ခွင့်ရှိသည်။
  7. Yoma Car Share သည် ပရိုမိုကုဒ်များ၊ ကူပွန်များနှင့် အဖွဲ့ဝင်ပွိုင့်များကို ငွေသားဖြင့် ပေးအပ်ခြင်း၊ ပြောင်းလဲပေးခြင်း၊ လဲလှယ်ပေးခြင်းများပြုလုပ်မည်မဟုတ်ပါ။ ထိုအကျိုးကျေးဇူးများသည် Yoma Car Share တွင် နောင်လာမည့် Reservation များတွင် သာအသုံးပြုရန်ဖြစ်သည်။
  8. ပရိုမိုကုဒ်များ၊ ကူပွန်များနှင့် အဖွဲ့ဝင်ပွိုင့်များတွင် ၎င်းတို့ တစ်ခုခြင်းစီ၏ ထုတ်လုပ်ရက်စွဲနှင့် ကုန်ဆုံးမည့်ရက်စွဲများရှိသည်။ ထိုကုန်ဆုံးသည့်ရက်စွဲမတိုင်မီ ဤအကျိုးကျေးဇူးများကို အသုံးပြုရန်မှာ အဖွဲ့ဝင်၏ တာဝန်သာဖြစ်သည်။ Yoma Car Share မှ ကုန်ဆုံးသွားသော အကျိုးကျေးဇူးများကို ပြန်လည်အသက်ဝင်ရန် ဆောင်ရွက်ပေးမည်မဟုတ်ပါ။
  9. ပရိုမိုကုဒ်များ၊ ကူပွန်များနှင့် အဖွဲ့ဝင်ပွိုင့်များသည် အဖွဲ့ဝင် တစ်ဦးချင်းစီ၏ အကျိုးကျေးဇူးဖြစ်ပြီး အဖွဲ့ဝင်အချင်းချင်း လဲလှယ် အသုံးပြုခွင့်မရှိပါ။
  10. အဖွဲ့ဝင်ပွိုင့် နှုန်းထားသတ်မှတ်ခြင်းနှင့် ၎င်း၏ ကုန်ဆုံးသတ်တမ်းသည် Yoma Car Share ၏ ဆုံးဖြတ်ချက်သာဖြစ်ပြီး Yoma Car Share မှ ထိုနှုန်းထားများနှင့် ကုန်ဆုံးသက်တမ်းများကို အချိန်မရွေး အဖွဲ့ဝင်များအား အကြောင်းကြားခြင်းပြုလုပ်ရန်မလိုအပ်ပဲ ပြောင်းလဲခွင့်၊ ပြင်ဆင်ခွင့်၊ ပယ်ဖျက်ခွင့်ရှိသည်။
  11. Yoma Car Share မှ ၂၀၂၂ခုနစ် စက်တင်ဘာလအရှေ့ပိုင်းတွင် ပြီးဆုံးခဲ့သည့် reservation များတွင် အဖွဲ့ဝင်ပွိုင့်မပေးပါ၊ ပေးရန် တာဝန်မရှိပါ။
  12. ပွိုင့်၊ ကူပွန် သို့မဟုတ် ပရိုမိုကုတ် များအားလုံးကို ကားငှားရမ်းမှု တစ်ခုတည်းတွင် တပြိုင်နက် အသုံးမပြုနိုင်ပါ။ ကားငှားရမ်းမှု တစ်ခုတွင် ပရိုမိုးရှင်း နည်းလမ်း တစ်မျိုးတည်းသာ အသုံးပြုနိုင်မည် ဖြစ်သည်။

၂၃။ လူကြီးမင်း၏ ကိုယ်ရေးကိုယ်တာ အချက်အလက်

  1. ကျွန်ုပ်တို့၏ဝန်ဆောင်မှုများကို အသုံးပြုရန်အတွက် အကောင့်ပိုင်ရှင်/ ယာဉ်မောင်းအဖြစ် စာရင်းသွင်းရန် လူကြီးမင်း၏ ကိုယ်ရေးကိုယ်တာအချက်အလက်များကို ကျွန်ုပ်တို့ထံသို့ပေးပို့သဘောတူခဲ့ပြီး လူကြီးမင်း၏ အခြေခံအချက်အလက်တွင် လူကြီးမင်း၏ ကိုယ်ရေးကိုယ်တာအချက်အလက်များကို သိုလှောင်ခြင်း၊ ပြန်လည်သုံးသပ်ခြင်း၊ စစ်ဆေးခြင်း၊ ပြန်လည်ပြင်ဆင်ခြင်းနှင့် ဖျက်ပစ်ခြင်းကို ကျွန်ုပ်တို့အားခွင့်ပြုထားခြင်းဖြစ်သသည်။
  2. ကျွန်ုပ်တို့၏ ဝန်ဆောင်မှုကို အသုံးပြုရန်အတွက် အဖွဲ့ဝင်လျှောက်လွှာပုံစံတွင်ဖြည့်စွက်ထားသော လူကြီးမင်း၏ ကိုယ်ရေးကိုယ်တာ အချက်အလက်များကို ကျွန်ုပ်တို့မှ ရယူထားမည်ဖြစ်သည်။ လူကြီးမင်းသည် မည်သူမည်ဝါဖြစ်ကြောင်း အတည်ပြုနိုင်ရန်၊ ကျွန်ုပ်တို့၏အဖွဲ့ဝင်ဖြစ်လာစေရန်နှင့် ကျွန်ုပ်တို့၏ ဆက်ဆံရေးဆက်လက်စီမံခန့်ခွဲနိုင်စေရန်အတွက် လူကြီးမင်း၏ ကိုယ်ရေးကိုယ်တာအချက်အလက်များကို ရယူထားခြင်းဖြစ်သည်။ လူကြီးမင်း၏ ကိုယ်ရေးကိုယ်တာအချက်အလက်များကို ကျွန်ုပ်တို့အား ပေးပို့ခြင်းမရှိပါက ကျွန်ုပ်တို့၏ အဖွဲ့ဝင်အဖြစ် မော်တော်ယာဉ်များကို အသုံးပြုနိုင်လိမ့်မည် မဟုတ်ပါ။
  3. သက်ဆိုင်ရာအစိုးရဌာနများမှ လူကြီးမင်းနှင့်သက်ဆိုင်ရာသော ပုဂ္ဂိုလ်ရေးရာအချက်အလက်များ reservation အချက်အလက်များ တောင်းဆိုလာပါက ကျွန်ုပ်တို့သည် သက်ဆိုင်ရာမှ လူကြီးမင်းအနေဖြင့် တရားဥပဒေနှင့်မညီသော အပြုအမူတစ်ခု ပြုလုပ်ထားကြောင်း သက်သေပြသနိုင်ပြီး သို့မဟုတ် လူကြီးမင်း၏ အသက်အန္တရာယ်စိုးရိမ်နိုင်သော အခြေအနေတစ်ခုတွင် ရောက်ရှိနေခြင်းတို့ကြောင့်ဖြစ်ပြီး ထိုပြုလုပ်မှု သို့မဟုတ် အခြေအနေသည် ကျွန်ုပ်တို့ ငှာရမ်းထားသည့်ကားနှင့် သက်ဆိုင်နေမှသာလျှင် လူကြီးမင်း၏ အချက်အလက်များ၊ reservation အချက်အလက်များကို မျှဝေပေးမည်ဖြစ်သည်။
  4. စျေးကွက်ရှာဖွေဆက်သွယ်ရေး - ကျွန်ုပ်တို့၏ ဝန်ဆောင်မှုဆိုင်ရာ နောက်ဆုံးရသတင်းအချက်အလက်များနှင့် အထူးကမ်းလှမ်းချက်များအား စဉ်ဆက်မပြတ်သိရှိနိုင်စေရန် လူကြီးမင်း၏ လျှောက်လွှာပုံစံတွင် ဖြည့်စွက်ထားသော ဆက်သွယ်ရန်အသေးစိတ်အချက်အလက် ပေါ်မူတည်၍ သတင်းအချက်အလက်များကို အီးမေးလ်မှဖြစ်စေ၊ စာတိုပေးပို့ ၍ဖြစ်စေ၊ သတင်းတင်ခြင်းဖြင့်ဖြစ်စေ ပုံမှန်ပေးပို့မည်ဖြစ်သည်။ လူကြီးမင်းအနေဖြင့် ဤနောက်ဆုံးရ သတင်းအချက် အလက်များနှင့် အထူးကမ်းလှမ်းချက်များကို မရယူရန် ဆန္ဒရှိပါက ကျွန်ုပ်တို့၏ aung@yomafleet.com သို့ အီးမေးလ်ပို့ခြင်းဖြင့် အချိန်မရွေးပယ်ဖျက်နိုင်သည်။
  5. လူကြီးမင်း၏ ပုဂ္ဂိုလ်ရေးဆိုင်ရာသတင်းအချက်အလက်များကိုကျွန်ုပ်တို့မှထုတ်ပြန်နိုင်သည်-
    1. ရိုးမနှင့် FMI အုပ်စုအောက်ရှိကုမ္ပဏီများအပါအဝင် ကျွန်ုပ်တို့နှင့် ဆက်စပ်နေသော ကုမ္ပဏီများ
    2. ကျွန်ုပ်တို့၏ တတိယအဖွဲ့အစည်းဖြစ်သည့် ငွေပေးချေမှုဆိုင်ရာ ဝန်ဆောင်မှုပေးသူများ၊ အွန်လိုင်း မှတ်ပုံတင်ခြင်းဆိုင်ရာ ဝန်ဆောင်မှုပေးသူများ အပါအဝင်
    3. လူကြီးမင်း၏ ခရီးစဉ် အတွက် အာမခံ အကျုံး၀င်သော ကျွန်ုပ်တို့၏ အာမခံ ဝန်ဆောင်မှုပေးသူများ
    4. အကယ်၍ လူကြီးမင်းသည် အကောင့်ပိုင်ရှင်မဟုတ်သော ယာဉ်မောင်းတစ်ဦးဖြစ်နေလျှင် သော်လည်းကောင်း ဖြစ်သည်။

၂၄။ အဖွဲ့ဝင်ဆက်သွယ်ရေး

  1. ကျွန်ုပ်တို့၏ အဓိက ဆက်သွယ်ရေးနည်းလမ်းမှာ အီးမေးလ်ပေးပို့ခြင်းဖြစ်သည်။ လက်ရှိအသုံးပြုနေဆဲဖြစ်သော အကောင့်ပိုင်ရှင်များသည် ကျွန်ုပ်တို့၏ အီးမေးလ်ဆက်သွယ်မှုကို ခွင့်ပြုထားရမည်။ မှန်ကန်သည့် အီးမေးလ်လိပ်စာ မရှိသော အဖွဲ့ဝင်များကို ကျွန်ုပ်တို့မှ ဝန်ဆောင်မှုပေးနိုင်လိမ့်မည် မဟုတ်ပါ။
  2. လူကြီးမင်းနှင့် လူကြီးမင်း၏ယာဉ်မောင်း တစ်ဦးချင်းစီ၏ မိုဘိုင်းဖုန်းနံပါတ်များအား ကျွန်ုပ်တို့ထံသို့ ပေးပို့ထားရန် လိုအပ်ပါသည်။ အရေးပါသော ဖောက်သည်ဝန်ဆောင်မှုဆိုင်ရာ နောက်ဆုံးသတင်းများ၊ အကောင့်များ သို့မဟုတ် အထူးကမ်းလှမ်းချက်များကို အသိပေးရန်အတွက်သာ အသုံးပြုမည်ဖြစ်သည်။ အဖွဲ့ဝင်များအနေဖြင့် ငှားရမ်းမှု ပြုလုပ်နေစဉ်အတောအတွင်း အသုံးပြုနေသော ဖုန်းနံပါတ်အား Yoma Car Share အကောင့်တွင်ထားရှိရန် အကြံပြုလိုပါသည်။ မဟုတ်ပါက ကျွန်ုပ်တို့အနေဖြင့် ကားအသုံးပြုရန်နှင့် အကောင်းဆုံးဝန်ဆောင်မှုကို ပေးဆောင်ရန် အာမမခံနိုင်ပါ။
  3. မိမိလက်ရှိအသုံးပြုနေသော အဆက်အသွယ်နှင့် ငွေပေးချေမှုဆိုင်ရာ အသေးစိတ်အချက်အလက်များဖြစ်သည့် အီးမေးလ်၊ ဒက်ဘစ် သို့မဟုတ် ခရက်ဒစ်ကတ် နှင့် မိုဘိုင်းဖုန်းနံပါတ် ထိန်းသိမ်းထားရန်မှာ လူကြီးမင်း၏ တာဝန်သာဖြစ်သည်။ အကယ်၍ လူကြီးမင်း၏ အီးမေးလ်သည် ပြန်ဝင်လာခြင်း သို့မဟုတ် ကျွန်ုပ်တို့ထံမှ အီးမေးလ်များကို လက်ခံရရှိခြင်းမှ ပယ်ဖျက်လိုက်လျှင် ၎င်းအီးမေးလ်များကို အဆင့်မြှင့်တင်ရန်မှာ ကျွန်ုပ်တို့၏ တာဝန်မဟုတ်ပါ။ အဖွဲ့ဝင်/ ယာဉ်မောင်းများ၏ နောက်ဆုံးအချက်အလက်များကို ကျွန်ုပ်တို့ထံသို့ ပေးပို့ရန်မှာ ကော်ပိုရိတ်အကောင့်ကိုင်ဆောင်သူ၏ တာဝန်သာဖြစ်သည်။ ကော်ပိုရိတ်အကောင့်ပိုင်ရှင်၏ အဖွဲ့ဝင်တစ်ဦးဦးသည် ၎င်းတို့ထံမှအလုပ်ထွက်သွားသည်ကို ကျွန်ုပ်တို့အား အသိပေးခြင်းမရှိဘဲ ကျွန်ုပ်တို့၏ဝန်ဆောင်မှုများကို ဆက်လက်အသုံးပြုနေပါက ကော်ပိုရိတ်အကောင့်ပိုင်ရှင်မှ သတင်းအချက်အလက်များကို ကျွန်ုပ်တို့ထံသို့ ပေးပို့ရန် ပျက်ကွက်ကြောင်း အသိအမှတ်ပြု ဝန်ခံခြင်းဖြစ်ပြီး အဆိုပါ အဖွဲ့ဝင်/ ယာဉ်မောင်းမှ ပေးဆောင်ရမည့် ကားငှားရမ်းခများနှင့် မည်သည့်အခဒဏ်ကြေးငွေမဆို ပေးဆောင်ရန် ကော်ပိုရိတ်အကောင့်မှ သဘောတူလက်ခံခြင်းဖြစ်သည်။
  4. အကောင့်ပိုင်ရှင်မှ ၎င်း၏ နေရပ်လိပ်စာ၊ အီးမေးလ်လိပ်စာ၊ ဖုန်းနံပါတ် သို့မဟုတ် သက်တမ်းကုန်ဆုံးနေသော ယာဉ်မောင်းလိုင်စင် အစရှိသည့် အချက်အလက်များ ပြောင်းလဲပါက ကျွန်ုပ်ပ်တို့၏ Yoma Car Share ဝက်ဘ်ဆိုဒ် (သို့မဟုတ်) မိုဘိုင်းအပလီကေရှင်းတွင် ပြောင်းလဲသွားသော အချက်အလက်အလက်များကို ပြင်ဆင်ရမည်၊ အသိပေးရမည်။ ထိုကဲ့သို့ နောက်ဆုံးနှင့် မှန်ကန်သော အချက်အလက်များ ဖေါ်ပြမှု အသိပေးမှုမရှိသော အကောင့်ပိုင်ရှင်အား ကျွန်ုပ်တို့မှ အဖွဲ့ဝင်အဖြစ်မှ ရပ်စဲခွင့်ရှိသည်။

၂၅။ ဖောက်သည်ဝန်ဆောင်မှု

  1. ကျွန်ုပ်တို့၏ Call Center သည် တစ်ရက်လျှင် ၂၄ နာရီ ၇ ရက် ရုံးပိတ်ရက်မရှိ ဖွင့်လှစ်ထားပြီး ၀၉၉၆၆၂၃၅၃၃၈ သို့ ခေါ်ဆိုဆက်သွယ်နိုင်သည်။ မေးမြန်းချက်အားလုံးကို ၂၄ နာရီအတွင်း ကျွန်ုပ်တို့၏ Call Center မှ ပြန်လည်ဖြေကြားပေးမည် ဖြစ်သည်။

၂၆။ အဖွဲ့ဝင်အဖြစ်မှ ရပ်စဲခြင်း

  1. လူကြီးမင်းအနေနှင့် ကျွန်ုပ်တို့၏ ဝန်ဆောင်မှုအား အချိန်မရွေး ရပ်ဆိုင်းရန်တောင်းဆိုနိုင်သည်။ လူကြီးမင်းအနေဖြင့် အကောင့်ဖျက်သိမ်းမှုကို Yoma Car Share 2.0 မိုဘိုင်းအက်ပလီကေးရှင်းမှ အသိပေး တောင်းဆိုရမည်။
    1. အကောင့်ဖျက်သိမ်းမည်ဟု တောင်းဆိုလာပါက Yoma Car Share အဖွဲ့ဝင်ခြင်းကို မိမိဆန္ဒအလျောက်ဖြင့် ဖျက်သိမ်းခြင်းဖြစ်ပြီး ထိုကဲ့သို့ အဖွဲ့ဝင်ဖျက်သိမ်းခြင်းမှ ဖြစ်ပေါ်လာသည့် အကျိုးဆက်များကို လူကြီးမင်းမှ အပြည့်အဝတာဝန်ယူရမည်ဖြစ်သည်။
    2. အဖွဲ့ဝင်အကောင့်ဖျက်သိမ်းခြင်းအားဖြင့် Yoma Car Share (Yoma Fleet Limited) မှ
      1. လူကြီးမင်း၏ အဖွဲ့ဝင်အကောင့်နှင့် သက်ဆိုင်သော အချက်အလက်များအားလုံးကို အပြီးအပြတ် ပြန်ပြောင်းလဲ၍မဖြစ်နိုင်သောအခြေအနေအထိ ဖျက်သိမ်းမည်ဖြစ်သည်။
      2. ကျွန်ုပ်တို့ထံမှ ရရှိထားသော အကျိုးကျေးဇူးများအားလုံးကိုလဲ အပြီးအပြတ် ဖျက်သိမ်းမည်ဖြစ်သည်။
      3. ယခင်ကားငှားခဲ့သည့် မှတ်တမ်းများအားလုံးကိုလဲ အပြီးအပြတ် ဖျက်သိမ်းမည်ဖြစ်သည်။
    3. လူကြီးမင်း၏ အဖွဲ့ဝင်အကောင့်ဖျက်သိမ်းခြင်းကို စာရင်းစစ်လိုအပ်ချက်များကြောင့် လူကြီးမင်း နောက်ဆုံးကားငှားရမ်းခဲ့သည့်ရက်မှ ရက်ပေါင်း (၉၀) ကျော်လွန်မှသာလျှင် ကျွန်ုပ်တို့မှ အကောင့်ကို ဖျက်သိမ်းနိုင်မည်ဖြစ်သည်ကို သတိပြုပါ။ လူကြီးမင်း၏ အဖွဲ့ဝင်အကောင့်ဖျက်သိမ်းခြင်း တောင်းဆိုမှုကို ကျွန်ုပ်တို့ မှတ်တမ်းယူထားမည်ဖြစ်ပြီး လူကြီးမင်းနောက်ဆုံးကားငှားရမ်းခဲ့သည့် ရက်မှ ရက်ပေါင်း (၉၀)‌‌ကျော် လွန်ပြီးသည်နှင့် လူကြီးမင်းမှ အောက်ပါအချက်အလက်များနှင့် ကင်းရှင်းသည်ဆိုပါက အဖွဲ့ဝင် အကောင့်ဖျက်သိမ်း ခြင်းကို ဆောင်ရွက်သွားမည်ဖြစ်သည်။
      1. လူကြီးမင်းမှ ကျွန်ုပ်တို့အား ပေးရန်ကျန်ငွေမရှိပါ။
      2. လူကြီးမင်းသည် ကျွန်ုပ်တို့ထံမှ ယခင်ကားငှားရမ်းမှုများတွင် ယာဉ်စည်းကမ်း၊လမ်းစည်းကမ်းများ ဖေါက်ဖျက်ခဲ့ခြင်းမရှိပါ။
      3. လူကြီးမင်းသည် ကျွန်ုပ်တို့ထံမှ ယခင်ကားငှားရမ်းမှုများတွင် မတော်တဆမှုတစ်စုံတစ်ရာဖြစ်ပွားပြီး တရားစွဲဆိုမှုခံထားခြင်းမရှိပါ။
  2. လူကြီးမင်းသည် လူကြီးမင်း၏ အကောင့်အောက်ရှိ မည်သည့်ယာဉ်မောင်းကိုမဆို Yoma Car Share 2.0 မိုဘိုင်းအက်ပလီကေးရှင်းမှတဆင့် Extra Driver အချက်အလက်မှ ဖယ်ရှားနိုင်သည်။
  3. ငှားရမ်းခြင်းဆိုင်ရာ စည်းကမ်းချက်များကို ဖောက်ဖျက်ပါက သက်ဆိုင်ရာ အကောင့်ပိုင်ရှင်နှင့် / သို့မဟုတ် ယာဉ်မောင်းကို အဖွဲ့ဝင်အဖြစ်မှ ချက်ချင်းရပ်စဲနိုင်သည်။
  4. အဖွဲ့ဝင်အဖြစ်မှ ရပ်စဲခြင်းသည် လူကြီးမင်းမှ ပေးချေရန်ကျန်ရှိသည့် မည်သည့်ငွေကြေးကိုမဆို လက်ခံနိုင်သည့် ကျွန်ုပ်တို့၏ ရပိုင်ခွင့်ကို ထိခိုက်လိမ့်မည်မဟုတ်ပါ။
  5. အဖွဲ့ဝင်အဖြစ်မှ ရပ်စဲသည့်အချိန်တွင် ကျွန်ုပ်တို့ထံ ပေးချေရန် ကျန်ရှိနေသည့် မည်သည့်အခကြေးငွေကို မဆိုချက်ချင်းပေးချေရမည် ဖြစ်သည်။ ငှားရမ်းခြင်းဆိုင်ရာစည်းကမ်းချက်များကို သဘောတူလက်ခံခြင်းအားဖြင့်၊ လူကြီးမင်းသည် အဖွဲ့ဝင်အဖြစ်မှ ရပ်စဲသည့်အချိန်တွင် ပေးချေရမည့် အခကြေးငွေအားလုံးကို လူကြီးမင်း သတ်မှတ်ထားသော ငွေပေးချေမှုနည်းလမ်းအတိုင်း ပေးချေရမည်ဖြစ်သည်။ အပိုဒ် (၁၅) တွင် ဖော်ပြထားသော ယာဉ်ရပ်နားခြင်းနှင့် ယာဉ်ကြောပိတ်ဆို့မှုဆိုင်ရာ ဒဏ်ကြေးငွေများအပါအဝင် ကားခိုးခံရခြင်း၊ ပျက်စီးဆုံးရှုံးမှုနှင့် တရားရုံးစရိတ်များပါ အပါအဝင်ဖြစ်သည်။
  6. ငှားရမ်းခြင်းဆိုင်ရာ သဘောတူစာချုပ်ကို ချိုးဖောက်ပါက ကျွန်ုပ်တို့သည် လူကြီးမင်း၏ အသေးစိတ်အချက်အလက်များကို အကြွေးရည်ညွှန်းသည့်အေဂျင်စီများ၊ အကောက်ခွန်နှင့်သက်ဆိုင်ခွန်များ၊ သက်ဆိုင်ရာရဲဌာန၊ ကြွေးမြီကောက်ခံသူများ သို့မဟုတ် အခြားသက်ဆိုင်ရာအဖွဲ့အစည်းများထံသို့ ‌ပေးပို့နိုင်မည်ဖြစ်သည်။
  7. ကျွန်ုပ်တို့၏အဖွဲ့ဝင်အဖြစ်မှ ရပ်စဲလိုက်ခြင်းသည် ငှားရမ်းခြင်းဆိုင်ရာသဘောတူညီချက်မှ အချက်အလက်များကို ထိခိုက်လိမ့်မည် မဟုတ်ပါ။

၂၇။ ပြင်ဆင်ချက်များ

ကျွန်ုပ်တို့သည် ငှားရမ်းခြင်းဆိုင်ရာစည်းကမ်းချက်များကို လိုအပ်သည့်အခါတိုင်းတွင် ပြင်ဆင်ပိုင်ခွင့်ရှိသည်။ ထိုသို့ ငှားရမ်းခြင်းဆိုင်ရာစည်းကမ်းချက်များ အပြောင်းအလဲသတိပေးအကြောင်းကြားစာကို ငှားရမ်းခြင်းအတည်ပြု အီးမေးလ်ဖြင့် လူကြီးမင်းထံသို့ ပေးပို့မည်ဖြစ်သည်။ ၎င်းငှားရမ်းခြင်းဆိုင်ရာစည်းကမ်းချက်များ အပြောင်းအလဲကို သတိပြုရန်မှာ လူကြီးမင်း၏ တာဝန်သာဖြစ်ပြီး လူကြီးမင်းအား အကြောင်းကြားရန် ကျွန်ုပ်တို့တာဝန်မရှိပါ။

၂၈။ မလွန်ဆန်နိုင်သည့် ကိစ္စရပ်များ

စွမ်းဆောင်ရည်နှင့် တာဝန်ဝတ္တရားနှောင့်နှေးမှု၊ ပျက်ကွက်မှု သို့ နှောင့်နှေးမှု ဖြစ်စေသော မည်သည့်ကိစ္စရပ်များမဆို ကျွန်ုပ်တို့တွင် တာဝန်မရှိပါ၊ ကျွန်ုပ်တို့၏ ထိန်းချုပ်မှုထက်ကျော်လွန်သော ကိစ္စရပ်များကြောင့် ဖြစ်ပေါ်သည့် အတားအဆီးအ‌နှောင့်အယှက် တစ်ခုခုကို ဆိုလိုသည်။

၂၉။ ဖျက်သိမ်းခြင်း

သဘောတူစာချုပ်ပါ ပြဌာန်းချက်များသည် မခိုင်လုံသော၊ အကျိုးသက်ရောက်မှုမပြုနိုင်သော ကိစ္စရပ်များ ပါရှိပါက ကျန်ရှိသော ပြဌာန်းချက်များသည် ဆက်လက်အကျိုးသက်ရောက်မှုစေသည်ဟု အဓိပ္ပါယ်ဖွင့်ဆိုရမည်။

၃၀။ အုပ်ချုပ်ရေးဥပဒေနှင့် တရားစီရင်ပိုင်ခွင့်

ဤသဘောတူစာချုပ်နှင့် ဆက်စပ်ပေါ်ပေါက်လာသော ကိစ္စရပ်များအားလုံးကို ပြည်ထောင်စုသမ္မတ မြန်မာနိုင်ငံတော်ဥပဒေနှင့်အညီ ဆောင်ရွက်ရမည်။ ပြည်ထောင်စုသမ္မတမြန်မာနိုင်ငံတော် တရားရုံးများသည် ဤငှားရမ်းခြင်းဆိုင်ရာ စည်ကမ်းချက်များနှင့် သက်ဆိုင်သော သို့ မဟုတ် ပေါ်ပေါက်လာသော မည်သည့်အငြင်းပွားမှုတစုံတရာကိုမဆို ဆုံးဖြတ်စီရင်ပိုင်ခွင့်ရှိသည်။

၃၁။ တာဝန်ဝတ္တရားများ

ကျွန်ုပ်တို့သည် ကျွန်ုပ်တို့၏ စည်းကမ်းချက်များနှင့်အညီ တတိယအဖွဲ့အစည်းကို ထောက်ခံ ရွေးချယ်နိုင်သည်။ ကျွန်ုပ်တို့၏ ရေးသားထားသော ခွင့်ပြုချက်မရရှိဘဲ ငှားရမ်းခြင်းဆိုင်ရာ စည်းကမ်းချက်များအရ လူကြီးမင်း၏ အခွင့်အရေးအား အသိအမှတ်မပြုနိုင်ပါ။

ဤစည်းမျဉ်းစည်းကမ်းများသည် ကျွန်ုပ်တို့နှင့် လူကြီးမင်းတို့အကြား (အ‌ဖွဲ့ဝင်/ယာဉ်မောင်း/အကောင့်ပိုင်ရှင်) ဆက်စပ်နေသည့် သဘောတူညီမှု ပုံစံသာလျှင်ဖြစ်သည် - ဆိုလိုသည်မှာ အီလက်ထရွန်နစ်စနစ်ဖြင့် ပြုလုပ်ထားသော ငှားရမ်းခြင်းဆိုင်ရာ သဘောတူညီချက်သည် စာရွက်ပေါ်တွင် လူကြီးမင်း(အ‌ဖွဲ့ဝင်/ယာဉ်မောင်း/အကောင့်ပိုင်ရှင်) ၏ သဘောတူညီမှု လက်မှတ်ရရှိထားခြင်း ဖြစ်သကဲ့သို့ လူကြီးမင်းမှ သဘောတူနားလည်သဘောပေါက်ပြီးဖြစ်သည်။

ကန့်သတ်နယ်မြေများ

Yoma Car Share အဖွဲဝင်များသည် အောက်ဖေါ်ပြပါ ကန့်သတ်နယ်မြေများသို့ Yoma Car Share မှ ငှားရမ်းထားသော ယာဉ်နှင့် သွားရောက်ခွင့်မပြုပါ။ ဤစည်းမျဉ်းကိုချိုးဖေါက်သောကြောင့် ဖြစ်ပေါ်လာသည့် အသက်ဆုံးရှုံးမှု၊ ယာဉ်ထိခိုက်မှု၊ ယာဉ်ပျောက်ဆုံးမှုနှင့် အခြားသောကိစ္စအဝဝကို စည်းမျဉ်းချိုးဖေါက်သော အဖွဲ့ဝင်မှ အပြည့်အဝတာဝန်ယူရမည်ဖြစ်သည်။ ဤ ကန့်သတ်နယ်မြေများသို့ reservation အချိန်အတွင်း သွားရောက်သော အဖွဲ့ဝင်များအား ယာဉ်ကိုဆက်လက်အသုံးမပြုနိုင်ရန် Yoma Car Share မှ ပြုလုပ်ပိုင်ခွင့်ရှိသည်။ ဤစည်းမျဉ်းစည်းကမ်းချိုးဖေါက်သော အဖွဲ့ဝင်များအား အဖွဲ့အဝင်အဖြစ်မှ ရုတ်သိမ်းပိုင်ခွင့်ရှိသည်။ (ကန့်သတ်နယ်မြေစာရင်းသည် အမြဲပြောင်းလဲနေသည်ကို သတိပြုပါ။)

စစ်ကိုင်းတိုင်းဒေသကြီး

အရာတော်၊ အင်းတော်၊ ကသာ၊ မင်းကင်း၊ ဖောင်းပြင်၊ တန့်ဆည်၊ ဗန်းမောက်၊ ကန့်ဘလူ၊ ကနီ၊ မြောင်၊ ဆားလင်းကြီး၊ ထီးချိုင့်၊ ဘုတလင်၊ ကလေး၊ ကျွန်းလှ၊ မြင်းမူ၊ ဒီပဲယင်း၊ ဝက်လက်၊ ချောင်းဦး၊ ကလေးဝ၊ မော်လိုက်၊ ပင်လည်ဘူး၊ ရွှေဘို၊ ရေဦး၊ ဟုမ်းမလင်း၊ ကောလင်း၊ မုံရွာ၊ ပုလဲ၊ တမူး၊ ယင်းမာပင်၊ ခန္တီး၊ ခင်ဦး၊ လဟယ်၊ လေရှီး၊ နန်းယွန်း နှင့် ဝန်းသို။

ကချင်ပြည်နယ်

ဖားကန့်၊ မံစီ၊ မိုးမောက်၊ ဝိုင်းမော်၊ အင်ဂျန်းယန် နှင့် ဆွမ်ပရာဘွမ်။

မကွေးတိုင်းဒေသကြီး

ပခုက္ကူ၊ ပေါက်၊ ဆော၊ ရေစကြို၊ ဂန့်ဂေါ၊ ထီးလင်း နှင့် မြိုင်။

မန္တလေးတိုင်းဒေသကြီး

တံတားဦး၊ မြင်းခြံ၊ မိုးကုတ်၊ မတ္တရာ၊ ရမည်းသင်း၊ သာစည်၊ စဉ့်ကိုင်၊ သပိတ်ကျင်း၊ အောင်မြေသာဇံ၊ ချမ်းအေးသာဇံ၊ မဟာအောင်မြေ၊ ချမ်းမြသာစည်၊ ပြည်ကြီးတံခွန်၊ ပုသိမ်ကြီး၊ အမရပူရ၊ ကျောက်ဆည်၊ မိတ္ထီလာ၊ ညောင်ဦး နှင့် ပြင်ဦးလွင်။

ချင်းပြည်နယ်

ဖလမ်း၊ ဟားခါး၊ ကန်ပက်လက်၊ မတူပီ၊ မင်းတပ်၊ ပလက်ဝ၊ တီးတိန်၊ ထန်တလန် နှင့် တွန်းဇံ။

ကယားပြည်နယ်

ဒီးမော့ဆို၊ ဖရူဆို၊ လွိုင်ကော်၊ ရှားတော နှင့် မယ်စဲ့။

မွန်ပြည်နယ်

ဘီးလင်း နှင့် ကျိုက်ထို။

ကရင်ပြည်နယ်

ဘားအံ၊ ဖာပွန်၊ ကော့ကရိတ်၊ ကြာအင်းဆိပ်ကြီး၊ မြဝတီ နှင့် သံတောင်ကြီး။

ရှမ်းပြည်နယ်မြောက်ပိုင်း

ကွတ်ခိုင်၊ ကျောက်မဲ၊ သိန္နီ၊ လားရှိုး၊ ကုန်းကြမ်း၊ ကွမ်းလုံ၊ မဘိမ်း၊ နောင်ချို၊ မူဆယ်၊ နမ့်ခမ်း၊ လောက်ကိုင်၊ နမ္မတူ၊ နန့်စန် နှင့် မန်တုံ။

ရှမ်းပြည်နယ်တောင်ပိုင်း

ဖယ်ခုံ နှင့် ဆီဆိုင်။

ရခိုင်ပြည်နယ်

အမ်း၊ ဘူးသီးတောင်၊ မောင်တော၊ မြောက်ဦး၊ ရသေ့တောင်၊ ကျောက်တော်၊ ရမ်းဗြဲ၊ မင်းပြား၊ မြေပုံ၊ ပေါက်တော နှင့် ပုဏ္ဏားကျွန်း။

ပဲခူးတိုင်းဒေသကြီး

ကျောက်ကြီး၊ ကျောက်တံခါး၊ တောင်ငူ နှင့် ‌ရွှေကျင်။